Аймаҕын өлөрөн сууттанна

Хаҥалас оройуонугар  быраатын өлөрбүт эр киһи сууттанна. Бу туһунан СӨ Борокуратуурата иһитиннэрдэ.

2025 сыл  ыам ыйын 13 күнүгэр  Тиит Арыы олохтооҕо дьиэтигэр тастыҥ быраатын кытары арыгылаабыттар.  Ол олорон айдаарсан баран, эр киһи аймаҕын хаста даҕаны саанан ыппыт.

Хомойуох иһин, эр киһи тута миэстэтигэр өлбүт.

Сууттанааччы буруйун толору билиммит. Судаарыстыбаннай буруйдааччы санаатын учуоттаан, суут эр киһини холуонньаҕа  7 сылга хаайарга бириигэбэрдээбит.

Бириигэбэр сокуоннай күүһүгэр киирэ илик.