Бу сылга саха киинэтэ 200-тэн тахса мөлүйүөнү киллэрдэ диэн Ил Дархан Айсен Николаев «Комплексное продюсирование регионов: ценностно-ориентированные подходы в региональных стратегиях рзвития» диэн Арассыыйатааҕы креативнай нэдиэлэҕэ санаатын эттэ.
«Саамай чаҕылхай холобур — биһиги сахалыы киинэлэрбит буолаллар. 2018 сыллаахха туох баарай! Ол артхаус этэ, биирдиилээн киинэлэр тахсаллара. Ол эрээри олус үрдүк таһымнаах буолаллара. Бүгүн биһиги киинэбитин индустрияҕа кубулутан эрэбит. Саха киинэтэ бу 2025 сылга 200-тэн тахса мөлүйүөнү киллэрдэ. 2030 сылга улахан сорук туруордубут, ол курдук 2.5 млрд. хомуйуохпут», — диэтэ Айсен Николаев. Кини бэлиэтээбитинэн, креативнай индустрияҕа киллэриллэр кылаат Саха сирин экэниэмикэтин улаатыннарар. Бүгүҥҥү күҥҥэ эрэгийиэн экэниэмикэтэ 2,6 трлн. тахса буолбут. Тус болҕомто каадыры бэлэмнээһиҥҥэ уурулунна. Өрөспүүбүлүкэҕэ Арктическай судаарыстыбаннай култуура уонна ускуустуба институтун креативнай индустрия университетыгар уларытыыга үлэ барар. Креативнай индустрия сайдыыта — стратегическай сорук буолар. Төрүт үгэһи, култуурунай нэһилиэстибэни илдьэ сылдьан аан дойду ырыынагар тахсыыга сорук турарын бэлиэтээтэ.
Бүгүн Экология министиэристибэтин үлэһиттэригэр Дьокуускай куорат олохтооҕо Ш.М. Нигматов сибээскэ тахсан, ГРЭС территориятыгар Өлүөнэ өрүскэ …
Бэҕэһээ Үөһээ Бүлүү сэлиэнньэтигэр Саха Өрөспүүбүлүкэтин Судаарыстыбаннаһын күнүгэр анаммыт “Күөх Чэппиэр” өрөспүүбүлүкэтээҕи экологическай аахсыйа чэрчитинэн…
Дьокуускай куорат гражданскай оборуонаҕа, нэһилиэнньэни, сири-уоту көмүскээһиҥҥэ, баһаартан куттала суох буолууга управлениета элбэх оҕолоох уонна…
Хаҥалас оройуонугар быраатын өлөрбүт эр киһи сууттанна. Бу туһунан СӨ Борокуратуурата иһитиннэрдэ. 2025 сыл ыам…
Улуу Кыайыы үбүлүөйдээх сылын чэрчитинэн Кэбээйи нэһилиэгэр үлэ дьонун аатын үйэтитэр эмиэ биир өйдөбүнньүк бэлиэ…
Дьокуускайга "Ас-үөл" тыа хаһаайыстыбатын быыстапка-дьаарбаҥката үһүс күнүн ыытылла турар. Саха сирин тыатын хаһаайыстыбатын тэрилтэлэрин, кэтэх…