Айсен Николаев: «2030 сылга 70 тыһыынчаттан тахса киһи креативнай индустрияҕа үлэлиэхтэрэ»

Саха сиригэр 70 тыһыынчаттан тахса киһи 2030 сылга креативнай индустрияҕа үлэлиэҕэ.

Ол туһунан Ил Дархан Айсен Николаев ахсынньы 16 күнүгэр «Прямой разговор» биэрии кэмигэр иһитиннэрдэ.

«Креативнай салаа олус түргэнник улаатар, ону таһынан сүҥкэн кыамталаах хайысхалар бааллар. Быйыл, Өрөспүүбүлүкэ күнүгэр, креативнай экэниэмикэ сүрүн хайысхаларынан Ыйаахха илии баттаатым. Барыта тоҕус хайысхалаах: киинэ, ойуулук, саҥа хайысха — муодунай дизайн, о.д.а. Саха сирин ыччатын үчүгэй ситиһиилэрин көрөбүт. Саха сирэ Арассыыйаҕа креативнай экэниэмикэ лидердэриттэн биирдэстэрэ, бу чахчыны үгүстэр билинэллэр», — диэн Айсен Николаев бэлиэтээтэ.