Айсен Николаев 2030 сылга диэри Мииринэй оройуонун сайдыытын туһунан мунньаҕы ыытта

Бүгүн, сэтинньи 15 күнүгэр, Ил Дархан Айсен Николаев Мииринэй оройуонугар үлэлиир. Манна кини оройуон 2030 сылга диэри сайдыытын туһунан ыйаах олоххо киириитинэн мунньаҕы ыытта.

«Бүтэһик сылларга улахан үлэ ыытыллыбытын көрөбүт. Нэһилиэнньэлээх пууннарга олорор дьиэлэр, социальнай эбийиэктэр, уопсастыбаннай сирдэр, суоллар, күргэлэр тутуллаллар. Бу үлэ салҕаныаҕа. Мунньахха болҕомтону уонна хонтуруолу эрэйэр кыһалҕалаах боппуруостары ырыттыбыт. Ыйаах олоххо киириитин сүрүн түмүгүнэн Мииринэй олохтоохторун олохторун хаачыстыбата тупсуута буолуохтаах», — диэн Айсен Николаев телеграм-ханаалыгар суруйда.