Айсен Николаев 27 саҥа оптуобус күлүүстэрин туттарда

Бүгүн Ил Дархан Айсен Николаевүөрэх тэрилтэлэрин салайааччыларыгар саҥа оптуобустар күлүүстэрин туттарда.

22 миэстэлээх 27 оптуобус Саха сирин тыйыс килиимэтин усулуобуйатыгар анаан оҥоһуллубуттар.

«Бүгүн биһиги өрөспүүбүлүкэбит араас оройуоннарын уонна киин куоратын оскуолаларын дириэктэрдэригэр саҥа оптуобустар күлүүстэрин туттарабыт. Дойдубут Бэрэсидьиэнин көмөтүнэн кэнники биэс сылга Саха сиригэр 212 оптуобус ылыллыбыта. Оттон Саха сиригэр бырагыраама үлэлиэҕиттэн барыта 500-тэн тахса оскуола оптуобуһа кэлбитэ. Бу үлэ салгыы салҕанан барыа диэн эрэнэбин. Оскуолалар оптуобустара элбэх туһаны аҕалыахтара диэн эрэнэбин», — диэн Айсен Николаев бэлиэтээтэ.

Оптуобустары Дьокуускай куоратыгар, Горнай, Нам, Хаҥалас, Бүлүү, Үөһээ Бүлүү улуустарыгар бэрилиннилэр. Суол аһыллыытыгар Уус Алдан, Мэҥэ Хаҥалас, Чурапчы, Таатта, Томпо, Ньурба, Сунтаар уонна Нерюнгри оройуоннарыгар ыытыллыахтара. Ону таһынан оптуобустары Өлүөхүмэ, Кэбээйи, Абый, Дьааҥы уонна Аллараа Халыма оройуоннара ылыахтара. Горнай оройуонун Бэрдьигэстээх гимназиятын дириэктэрэ Владимир Ноговицын Айсен Николаевка уонна бырабыыталыстыбаҕа күлүүһү туппут оскуолалар дириэктэрдэрин ааттарыттан махталын биллэрдэ.