Хаартыска; SakhaGov
Күндү бэтэрээннэр!
Өрөспүүбүлүкэ ытыктабыллаах олохтоохторо!
Арассыыйа Сэбилэниилээх Күүстэрин албан ааттаах буойуннара!
Эһигини Японияҕа милитаристскай сэриигэ кыайыы уонна Аан дойду иккис сэриитэ түмүктэммит күнүнэн эҕэрдэлиибин.
Биһиги аҕаларбыт уонна эһээлэрбит 80 сыл анараа өттүгэр Уһук Илиҥҥэ сэриини кыайыы маршынан түмүктээн баран, киһи аймах устуоруйатыгар саамай алдьатыылаах сэриигэ бүтэһиктээх туочуканы туруорбуттара. Бу күн халбаҥнаабат хорсун быһыы, буойуннар доҕордоһууларын уонна устуоруйа кырдьыгын быһыытынан дойду улуу ситиһиилэрин лиэтэпиһигэр киллэриллибитэ.
Саха сирин 3,5 тыһыынчаттан тахса киһитэ Аан дойду иккис сэриитин түмүктүүр түһүмэҕэр кыттыбыта. Саха сирин буойуннара Забайкалье пуруонун 94-с, 210-с уонна 278-с стрелковай дивизияларын састаабыгар, ону сэргэ Уһук Илин 1-кы уонна 2-с пуруоннарын кэккэлэригэр кыргыспыттара. Кинилэр Маньчжурия, Соҕуруу Сахалин, Куриль арыыларын, Хотугу Корея уонна Хайлар кириэппэһин ылыы иһин охсуһууларга уһулуччулаах хорсун быһыыны уонна буойун маастарыстыбатын көрдөрбүттэрэ.
Чуолаан кинилэр быһаарыныылара уонна Кыһыл Аармыйа тэтимнээхтик киириитэ Японияны капитуляциялааһын быһаарыылаах чахчытынан буолбута. Бу биһиги Кыайыыбыт этэ – Кырдьык кыайыыта, Эйэ кыайыыта.
Быйыл аан дойду барыта, киһи аймах сүҥкэннээхэй күнү – Ыам ыйын 9 күнүн, биһиги Кыайыыбытын бэлиэтээтэ.
Биһиги кыргыһыы хонууларыгар дойдуларын дьоруойдуу көмүскээбит уонна тыылга кыайыыны аҕалсыбыт дьонунан барыларынан киэн туттабыт. Биһиги кинилэр хорсун быһыыларын хаһан да умнуохпут суоҕа. Кыайыылаахтар хорсун быһыылара үүнэр көлүөнэҕэ дойдуга бэриниилээх буолуу уонна күүстээх санаа холобурунан хаалыаҕа. Билигин фашизм 1945 сыллаахха уонунан мөлүйүөн сэбиэскэй киһи олоҕунан ситиһиллибит тыһыынчанан киһи эйэлээх олоҕун алдьатан, биһиги дойдубут көҥүлүгэр суудайан, эмиэ төбөтүн өрө көтөхтө. Биһиги дойдубут суверенитетын көмүскээн уонна куттал суох буолуутун хааччыйан, Улуу Кыайыы дьоруойдарын үгэстэрин чиэһинэйдик салгыы сылдьар байыаннай дьайыыга кыттар буойуттарбытынан киэн туттабыт.
Дойду туһугар өлбүттэргэ барыларыгар — сырдык өйдөбүл. Тыыннаах дьоруойдарга чиэс уонна албан аат! Бырааһынньыгынан!
Саха Өрөспүүбүлүкэтин баһылыга Айсен Николаев
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…