Хаартыска://www.sakha.gov.ru/-тан
Ил Дархан Айсен Николаев Абый оройуонугар «2019-2025 сылларга дьону хаарбах дьиэлэртэн көһөрүү» өрөспүүбүлүкэтээҕи аадырыстаах бырагыраама хаамыытын бэрэбиэркэлээтэ.
Ол курдук, Саха сирин баһылыга 13 кыбартыыралаах дьиэ тутуутун көрдө. Эбийиэк 2023 сыл бүтүүтүгэр киириэхтээх. Тутааччы — ПАО «Ленское объединенное речное пароходство». Маны таһынан, бөһүөлэккэ аадырыстаах бырагырааманан 16 кыбартыыралаах иккис дьиэ киирэрэ былааннанар.
Эбийиэги көрүү-истии түмүгүнэн Айсен Николаев тутааччылар үлэ тэтимин түһэрбэттэригэр сорудахтаата. Олохтоохтор күүтүлулээх кыбартыыраларын күлүүстэрин быйыл ылыахтаахтар диэн эттэ.
«Абыйга балачча элбэх хаарбах туруктаах дьиэ көтүрүллэр. Дьон саҥа дьиэҕэ көһөр эбэтэр компенсация ылар. Ол эрээри билигин 2025 сыл кэнниттэн олоххо киллэриллэр бырагыраама туһунан толкуйдуохтаахпыт. Ол чэрчитинэн Белая Гора бөһүөлэк улахан аҥаара көтүрүллүөхтээх. Манна даҕаны, бастатан туран, саҥа дьиэ тутуутун туһунан толкуйдуохтаахпыт», — диэн Айсен Николаев эттэ.
«2019-2025 сылларга дьону хаарбах дьиэлэртэн көһөрүү» өрөспүүбүлүкэтээҕи аадырыстаах бырагыраамаҕа Абый оройуонугар 2017 сыл тохсунньу 1 күнүгэр диэри хаарбаҕынан билиммит 13,6 кв.м. иэннээх 27 элбэх кыбартыыралаах дьиэ баар. Билигин барыта 2,8 тыһыынча кв. миэтирэттэн 121 киһи көстө.
Быйылгы сылга 13 олорор дьиэттэн 21 киһи көһөрө былааннанар.
Байыаннай дьайыыга кыттар байыастары уонна кинилэр дьиэ кэргэттэрин өйөөһүн – өрөспүүбүлүкэ былааһын сүрүн соруга. Бу…
Саха сиригэр быйылгы тутуу сезонугар суол-иис өрөмүөнүн үлэтэ киэҥ далааһыннаахтык бара турар. Бу үлэлэр былаантан…
Өрөспүүбүлүкэҕэ оттооһун үлэтэ былаан быһыытынан бара турар, кыстыкка киириигэ ыарахаттар күүтүллүбэттэр. Бу туһунан Ил Дархан…
Саха сиригэр быйыл ойуур баһаардарынан ыксаллаах-быһыы майгы эрэсиимэ биллэриллибэтэ. Бу туһунан Ил Дархан Айсен Николаев…
Атырдьах ыйын 22 күнүгэр, РФ Судаарыстыбаннай былааҕын күнүгэр, Дьокуускай телебашнята РФ судаарыстыбаннай былааҕын өҥүнэн сандаарыаҕа.…
Дьокуускай куорат 1 №-дээх полициятын отделын дьуһуурунай чааһыгар олохтоох киһи уоруу туһунан сайабылыанньа түһэрбит. Биллибэт…