Айсен Николаев: Алексей Кулаковскай уонна Платон Ойуунускай Саха сирин дириҥ уларыйыыларын өтө көрбүттэрэ

Бүгүн Айсен Николаев Таатта улууһугар саха норуотун чулуу уолаттарын пааматынньыктарыгар сүгүрүйэн, сибэкки дьөрбөтүн уурда.

«Төрөөбүт Сахатын сиригэр судаарыстыбаннаһы тэрийии Платон Алексеевич Ойуунускай сүрүн дьыалатынан буолбута. Кини бигэ дьүккүөрдээх буолуута Саха сирэ автономияны РСФСР састаабыгар ыларыгар төһүү буолбута. Платон Алексеевич Өрөспүүбүлүкэ статуһа наадатын кытаанахтык турууласпыта«,— диэтэ Айсен Николаев.
Алексей Кулаковскайга пааматынньыгы Кыйы сэлиэнньэтигэр киириигэ былырыын алтынньыга туруорбуттара. «Алексей Кулаковскай эһэтин кытта» композиция искибиэргэ туруоруллан, Таатта улууһун эрэ буолбакка, өрөспүүбүлүкэ бүттүүнүн киэн туттуута.

Искибиэргэ олохтоохтор эмиэ кэлбиттэр. Байыаннай дьайыы кыттыылааҕын ийэтэ Айсен Николаевка өрөспүүбүлүкэ салалтатын өйөбүлүн олус сыаналыылларын билиннэ. Кини бэйэтэ тикпит чаппарааҕын бэлэхтээтэ. Уонна дьиэлэри механизациялаах саҥа хочуолунайга холбуурга көрдөстө.

Саха сирин баһылыга Былатыан Ойуунускай өтөҕөр сырытта. 1983 сыллаахха Былатыан Ойуунускай 90 сылыгар мусуой-уһаайба уопсастыбаннас көмөтүнэн тэриллибит. Субуотунньукка 546 киһи сылдьыбыт.

СӨ Ил Дарханын уонна СӨ Бырабыыталыстыбатын пресс-сулууспата

Хаартыскаларга Андрей Сорокин түһэриитэ