Хаартыска: Андрей Сорокин, СИА.
Айсен Николаев Аллараа Халыма улууһун баһылыгын Ярослав Бандеровы көрсөн, муниципалитет инники социальнай-экэнэмиичэскэй сайдыытын боппуруостарын дьүүллэстилэр.
Байыаннай дьайыы бэтэрээнэ бу дуоһунаска былырыын быыбар түмүгүнэн талыллыбыта.
Ил Дархан Аллараа Халыма улууһун олохтоохторо байыаннай дьайыы байыастарыгар уонна кинилэр дьиэ кэргэттэригэр өйөбүллэрин үрдүктүк сыаналаата. Улуус тэрилтэлэрэ уонна олохтоохторо байыаннай дьайыы зонатыгар балыгы, араас наадалаах тэрили ыыталлар, үбү-харчыны хомуйаллар. Волонтердар байыастар дьиэ кэргэттэригэр мэлдьи көмөлөһөллөр.
Көрсүһүү биир сүрүн тиэмэтинэн эбийиэктэри тутуу, ол иһигэр Колымскай уонна Андрюшкино сэлиэнньэлэригэр оскуола-уһуйааннары, Черскэй бөһүөлэгэр балыыһа комплексын тутуу туһунан буолла.
«Андрюшкино уонна Колымскай сэлиэнньэлэригэр оскуола дьиэлэрэ 1950-1960 сылларга тутуллубуттара. Оҕолор үөрэнэллэригэр үчүгэй усулуобуйаны тэрийэр наадата ыраатта. Колымскай орто оскуолатыгар бүгүн 51 оҕо, оттон Андрюшкиноҕа 102 үөрэнээччи үөрэнэр», — диэтэ Ярослав Бандеров.
Ону тэҥэ кэпсэтиигэ ОДьКХ, хомунаалынай инфраструктураны саҥардыы, хаарбах дьиэттэн көһөрүү, таба иитиитэ сайдыытын боппуруостара таарылыннылар.
Андрюшкиноҕа быйыл кирдээх ууну ыраастыыр блочнай-модульнай саҥа ыстаансыйаны тутууну саҕалыахтаахтар. Былырыын Черскэй бөһүөлэгэр тохтоло суох уотунан хааччыйар, 4,8 МВт кыамталаах дизельнэй электростанцияны тутуу саҕаламмыта, диэн иһитиннэрэр Ил Дархан, бырабыыталыстыба пресс-сулууспата.
«Якутия, вперед!» биэриигэ Айсен Николаев тохсунньу ый түмүктэрин таһаарда уонна Бырабыыталыстыба отчуоттарын сирэй көрсөн тоҕо…
“Якутия, вперед!” биэриигэ тохсунньу түмүктэрин таһаарар быһа эпииргэ Ил Дархан “Сулустаах” түөлбэҕэ сыл саҕаланаатын кытта…
“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай…
Ил Дархан Айсен Николаев үөрэх үлэһиттэрин тохсунньутааҕы сүбэ мунньаҕар этиллибит сүҥкэн суолталаах боппуруоһунан тус үөрэхтээһини…
Мииринэй улууһугар полицейскайдар биэнсийэлээх дьахтартан баан каартатыттан харчы уоруутун дьыалатын арыйдылар. Харчыны уорбут уорбаланааччынан дьахтар…
Олунньу 1 күнүттэн үлэтэ суохтарга босуобуйа кээмэйэ 9,5%-нан эбиллэн, муҥутуур кээмэйэ 15 тыһ. солк. тахса…