Хаартыска: Андрей Сорокин, СИА.
АЛРОСА өрөспүүбүлүкэ дьоһун суолталаах социальнай бииргэ үлэлэһэр тэрилтэтинэн хаалар. Аҥаардас 2023 сылга хампаанньа үтүөнү оҥорор уонна спонсорскай үлэтинэн 7,6 млрд. солк. ыытта. Бу туһунан Айсен Николаев Мииринэйгэ сыллата ыытыллар “Хозактив-2024” пуорумҥа иһитиннэрдэ.
“Хампаанньа билигин үп өттүнэн бигэ, өрөспүүбүлүкэ тирэҕинэн буолар. Былырыын консолидированнай бүддьүөт дохуотун хас бэһис солкуобайа, АЛРОСА үлэтин түмүгүн суотуттан киирбитэ. Хампаанньа өрөспүүбүлүкэ социальнай суолталаах бииргэ үлэлэһэр тэрилтэнэн хаалар. Биһиги корпоративнай социальнай бырагыраама хас биирдии солкуобайын, АЛРОСА үтүөнү оҥорор уонна спонсорскай үлэтин сыаналыыбыт. Аҥаардас 2023 сылга бу сыалга анаан хампаанньа 7,6 млрд. солк. үбү ыыппыта. Бу өрөспүүбүлүкэҕэ улахан өйөбүл”, — диэн Ил Дархан эттэ.
Кини этэринэн, кэлиҥҥи сылларга тас экэниэмикэ үлэтэ таһыччы уларыйбыт. Ил Дархан хампаанньа салайар хамаандатыгар махтанна. Хампаанньа экологияны тупсарыыга туһаайыллар бырайыактары ситиһиилээхтик олоххо киллэрэрин бэлиэтээтэ. АЛРОСА өрөспүүбүлүкэ сайдыытыгар, чуолаан Мииринэй улууһугар кылаатын бэлиэтээтэ.
“Бу бырайыактар бары мииринэйдэр олохторун хаачыстыбата тупсарыгар туһаайыллар. Бастакы үтүө түмүктэр номнуо көстөн эрэллэр. Улуус демографическай көрдөрүүтэ сэргэхсийдэ. Күн бүгүн улуус нэһилиэнньэтин ахсаана 71 тыһ. 700-тэн таҕыста. Өрөспүүбүлүкэҕэ оҕо төрөөһүнүнэн улуус үһүс миэстэҕэ сылдьар. Мөлүйүөн ахсааннаах олохтоох Саина Мииринэй улууһугар Онуфриевтар дьиэ кэргэҥҥэ төрөөбүтэ суолталаах” – диэн Айсен Николаев эттэ.
АЛРОСА генеральнай дириэктэрэ Павел Маринычев Ил Дархан хампаанньаҕа болҕомтотун, өйөбүлүн иһин махтанна уонна АЛРОСАҕа эрэгийиэн өрүү суолталаах буолуоҕун бэлиэтээтэ.
Ааспыт сыл түмүгүнэн хампаанньа өрөспүүбүлүкэ уонна олохтоох бүддьүөккэ муҥутуур элбэх түһээни – 79 млрд. солк. тэҥэ харчыны ыыппытын, оттон “Олохтоох каадыры — бырамыысыланнаска” бырайыак чэрчитинэн АЛРОСАҕа 4 тыһ. тахса Саха сирин олохтооҕо үлэлии киирбитин санатта.
АЛРОСА хаһаайыстыбаннай актыыба пуорум кыттыылаахтара, хампаанньа ааспыт сыллааҕы үлэтин түмүгүн таһаардылар, былааннары торумнастылар, бастыҥ үлэһиттэри наҕараадалаатылар. Салайааччылар АЛРОСА тэрилтэлэрин бөлөҕүн кэлэктиибиттэн киирбит сүрүн ыйытыыларга хоруйдаатылар.
Ил Дархан уонна Бырабыыталыстыба пресс-сулууспата.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…