Хаартыска: быһа эпииртэн --скрин.
Быһа сибээс кэмигэр ыраах Анаабыр улууһун олохтоохторуттан үөрэххэ сыһыаннаах ыйытыы киирдэ. Ил Дархан хоруйун манна ааҕыҥ.
“Анаабыр гимназията саахалланар туруктаах, ол эрээри, оҕолору үөрэтиитэ үчүгэй. Бу үөрэх кыһатыгар болҕомтоҕун уурарыҥ буоллар” – диэн көрдөһөр аҥаардаах суруктарын ыыппыттар.
Маныаха Ил Дархан Айсен Николаев: “Кэлиҥҥи сылларга биһиги, арааһа, аан бастакытын буолуо, Арктикаҕа дьоһуннаах социальнай эбийиэктэри тутан эрэбит. Маны өрөспүүбүлүкэ биир сүрүн ситиһиитинэн ааҕабын. Тоҕо диэтэххэ, Сэбиэскэй Сойуус кэнниттэн уонунан сылларга, элбэх кыбартыыралаах олорор дьиэлэр, бөдөҥ социальнай эбийиэктэр тутуллубатахтара. Кэлин Чокуурдаахха, Баатаҕай Алыытыгар оскуолалар, Муома улууһун Хонуутугар бэртээхэй балыыһа, Баатаҕайга поликлиника тутулуннулар. Саахалланар туруктаах дьиэлэртэн дьону көһөрүү бырагырааматынан тутуллар элбэх кыбартыыралаах дьиэлэри аахпакка туран. Биллэн турар, билигин даҕаны элблэх үлэни ыытар ирдэнэр. Ол иһигэр үөрэх эбийиэктэрин тутууга.
Анаабыр улууһугар кэмиттэн-кэмигэр бара сылдьабын, олохотоохтору кытта көрсөбүн, гимназия хайдах туруктааҕын билэбин, оҕолору үөрэтэллэрэ үчүгэй, ол эрээри, дьиэтэ олус эргэ.
Кэлин ити курдук олус улахана суох нэһилиэнньэлээх пууннарга үөрэх эбийиэгин тутарга оскуола, уһуйаан биир дьиэҕэ баар буолалларыгар кыһанабыт, эбии үөрэхтээһин тэрилтэтин эмиэ онно киллэриэххэ сөп. Сааскылаахха гимназияны, уһуйааны уонна оҕо технопааркатын тутуохха сөп. Баһылыгы кытта бу бырайыагы ырытыһа сылдьыбыппыт. Эдуард Платонов ураты үбүлээһиҥҥэ этии киллэрбитэ. Анаабыр улууһа АЛРОСА акционерынан буолар, көмөлөһөр, дьоһуннаах үбүлээһини оҥорорго бэлэм, быһаарыыны ылыахпыт. Тутуу испииһэгэ өрөспүүбүлүкэҕэ биир, кэмиттэн-көмигэр көрөбүн, тэҥниибин, бу оскуола иккис нүөмэринэн турар. Бырабыыталыстыба улууһу кытта үлэлэһэн, инвест бырагыраамаҕа киирэн, ити курдук эбийиэк баар буолуоҕар эрэнэбит” – диэн эттэ.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…