Хаартыска: Ил Дархан, бырабыыталыстыба дьаһалтатын пресс-сулууспата
Бүгүн, ахсынньы 6 күнүгэр, Ил Дархан Айсен Николаев Анаабыр улууһун социальнай-экэнэмиичэскэй сайдыытын боппуруостарыгар мунньах ыытта.
Айсен Николаев бэлиэтээбитинэн, бүтэһик кэмҥэ улууска күүстээх үлэ ыытыллар, ол иһигэр бэрэсидьиэн национальнай бырайыактарын уонна өрөспүүбүлүкэтээҕи бырагыраамалары олоххо киллэриигэ.
Ол курдук, Анаабыр улууһугар национальнай бырайыак чэрчитинэн икки элбэх кыбартыыралаах дьиэ үлэҕэ киирдэ. Манна хаарбах туруктаах дьиэлэргэ олорбут дьон олохсуйдулар. Бу бырагыраама чэрчитинэн 2025 сылга диэри 600 киһини саҥа дьиэлэргэ көһөрөргө былаанныыллар. Эбийиэктэри Сааскылаахха уонна Үрүҥ Хайаҕа тутуохтара. Уопсайа 100 кэриҥэ кыбартыыралаах дьиэлэр буолуохтара. Ил Дархан улуус дьаһалтатыгар уонна тутар хампаанньаҕа бу үлэни кэмигэр ыытарга сорудахтаата.
Мунньахха бэлиэтээбиттэринэн, улууска түргэнник дьоҕус урбаан сайдар. 2021 сылга бэйэ дьарыктаах киһи ахсаана 18 тэҥнэһэр буоллаҕына, быйыл номнуо 156 киһи буолбут.
Итиэннэ Анаабыр улууһа Саха сирин инвестиционнай килиимэтин рейтинигэр биир бастыҥнарынан буолар. Балаҕан ыйын 2 күнүгэр манна Арктика оройуоннарыттан аан бастаан 683 км уһуннаах оптоволокно ситимэ киирдэ.
Ону таһынан, Анаабырга таба ахсаана 23 998 төбөҕө тэҥнэспит. Бу өрөспүүбүлүкэҕэ иккис көрдөрүү буолар.
Мунньахха Сааскылаах уонна Үрүҥ Хайа оскуолаларын өрөмүөннэрин, саҥа гимназия уонна балыыһа тутууларын боппуруостарын көрдүлэр.
Айсен Николаев оройуоҥҥа социальнай суолталаах эбийиэктэр тутууларыгар уонна өрөмүөннэригэр улахан болҕомтону ууруохха наада диэн эттэ. Итиэннэ атыы-эргиэн киинэ аһыллыытыгар, суол оҥоруутугар, хомунаалынай хаһаайыстыба үлэтигэр.
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…
Тимир көлө көннөрү айанныыр тэрил буолбатах, үлэни-хамнаһы түргэтэтэр, дьону-сэргэни сибээстиир сүрүн тэрил. Сайын, кыһын буоллун,…
Дьокуускай куоракка "Звёзднай" түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар. Бүгүн…