Хаартыска: Ил Дархан, бырабыыталыстыба дьаһалтатын пресс-сулууспата
Бүгүн, ахсынньы 6 күнүгэр, Ил Дархан Айсен Николаев Анаабыр улууһун социальнай-экэнэмиичэскэй сайдыытын боппуруостарыгар мунньах ыытта.
Айсен Николаев бэлиэтээбитинэн, бүтэһик кэмҥэ улууска күүстээх үлэ ыытыллар, ол иһигэр бэрэсидьиэн национальнай бырайыактарын уонна өрөспүүбүлүкэтээҕи бырагыраамалары олоххо киллэриигэ.
Ол курдук, Анаабыр улууһугар национальнай бырайыак чэрчитинэн икки элбэх кыбартыыралаах дьиэ үлэҕэ киирдэ. Манна хаарбах туруктаах дьиэлэргэ олорбут дьон олохсуйдулар. Бу бырагыраама чэрчитинэн 2025 сылга диэри 600 киһини саҥа дьиэлэргэ көһөрөргө былаанныыллар. Эбийиэктэри Сааскылаахха уонна Үрүҥ Хайаҕа тутуохтара. Уопсайа 100 кэриҥэ кыбартыыралаах дьиэлэр буолуохтара. Ил Дархан улуус дьаһалтатыгар уонна тутар хампаанньаҕа бу үлэни кэмигэр ыытарга сорудахтаата.
Мунньахха бэлиэтээбиттэринэн, улууска түргэнник дьоҕус урбаан сайдар. 2021 сылга бэйэ дьарыктаах киһи ахсаана 18 тэҥнэһэр буоллаҕына, быйыл номнуо 156 киһи буолбут.
Итиэннэ Анаабыр улууһа Саха сирин инвестиционнай килиимэтин рейтинигэр биир бастыҥнарынан буолар. Балаҕан ыйын 2 күнүгэр манна Арктика оройуоннарыттан аан бастаан 683 км уһуннаах оптоволокно ситимэ киирдэ.
Ону таһынан, Анаабырга таба ахсаана 23 998 төбөҕө тэҥнэспит. Бу өрөспүүбүлүкэҕэ иккис көрдөрүү буолар.
Мунньахха Сааскылаах уонна Үрүҥ Хайа оскуолаларын өрөмүөннэрин, саҥа гимназия уонна балыыһа тутууларын боппуруостарын көрдүлэр.
Айсен Николаев оройуоҥҥа социальнай суолталаах эбийиэктэр тутууларыгар уонна өрөмүөннэригэр улахан болҕомтону ууруохха наада диэн эттэ. Итиэннэ атыы-эргиэн киинэ аһыллыытыгар, суол оҥоруутугар, хомунаалынай хаһаайыстыба үлэтигэр.
Арассыыйа успуордун миниистирэ Михаил Дегтярев бирикээһинэн, Саха сирин 12 спортсмена Арассыыйа успуордун маастара буолла. Маастар…
Бу күннэргэ Саха сирин суруналыыстара, блогердара уонна туроператордара Татарстаан Өрөспүүбүлүкэтигэр түөрт күннээх сырдатар айаҥҥа кыттан…
Дьокуускайга 18 саастаах эдэр киһи Каландаришвили уулуссатыгар баар дьиэ таһыттан бэлисипиэт уорбут. Уорбут малын ломбардка…
Бүгүн, бэс ыйын 7 күнүгэр, арҕаа, илин улуустарга быстах ардыаҕа, Ленскэй оройуонугар сорох сиринэн дохсун…
Хой Туох барыта ыган кэлбитин кэннэ ситэрэр үгэскиттэн босхолонуоххун наада. Бу көстүү дьиэ кэргэҥҥэр эмиэ…
Быйыл «Бакалдын-2024» бырааһынньыга дойдуга Дьиэ кэргэн уонна Саха сиригэр Оҕо саас сылыгар ананар. Тэрээһин Дьокуускайга…