Айсен Николаев байыаннай дьайыыларга кытта сылдьар уолаттар ийэлэрин кытта көрүстэ

Ил Дархан Айсен Николаев Өлөөн улууһун Харыйалаах сэлиэнньэтигэр олорор Елена Тихонованы кытта көрүстэ.

Кини икки уола байыаннай дьайыыларга баҕа өттүлэринэн баран инники кирбиигэ сылдьаллар.

Уолаттар ийэлэрин кытары сибээстэһэн кэпсэтэ тураллар эбит. Елена Степановна өрөспүүбүлүкэ өттүттэн улахан болҕомто уурулларын уонна көмө оҥоһулларын иһин махтанарын биллэрдэ. Кини ону тэҥэ оройуон дьаһалтата улахан көмөнү оҥорорун бэлиэтээтэ. Сотору дьаһалта Елена Тихонова дьиэтин өрөмүөннүөхтээх.

Ил Дархан Айсен Николаев Елена Степановнаны Эргэ Саҥа дьылынан эҕэрдэлээтэ уонна ноутбук бэлэхтээтэ. Кыһалҕа үөскээтэ даҕаны оройуон дьаһалтатыгар биллэрэригэр эттэ.