Андрей Сорокин, ЯСИА
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай дьайыы кэмигэр дьоруойдуу олоҕун толук уурбут байыас чиэһигэр 24,82 караттаах ыйааһыннаах алмаас пааспарын уонна куопуйатын туттарда.
«Ийэ дойду көҥүлүн уонна тутулуга суох буолуутун иһин байыаннай дьайыы кэмигэр олоҕун толук уурбут Дмитрий Николаевич Егоров эр санаатын билинии, убаастабыл уонна кэриэстэбил бэлиэтэ буолар», – диэн СӨ Ил Дархана Айсен Николаев бэлиэтээтэ. Ил Дархан Арассыыйа Дьоруойун аймахтарыгар уонна чугас дьонугар махталын биллэрдэ. Саха сириттэн төрүттээх Дмитрий Егоровка өлбүтүн кэннэ Арассыыйа Дьоруойун аата иҥэриллибитэ. Сунтаар улууһуттан төрүттээх муора пехотинеһа ДНӨ Новомайорскай нэһилиэнньэлээх пуунун аттыгар Украина Сэбилэниилээх күүстэрин кимэн киириитин тохтоппута. Кыргыһыыга кини ыараханнык бааһыран олохтон туораабыта. 2023 сыл алтынньы 9 күнүгэр РФ Бэрэсидьиэнэ Владимир Путин Саха сириттэн төрүттээх, «Сунтаар» диэн хос ааттаах рядовой Дмитрий Егоровка дьоруойдуу быһыытын иһин өлбүтүн кэннэ Арассыыйа Дьоруойун аатын иҥэрэр туһунан ыйаахха илии баттаабыта.
Быйыл муус устар 22 күнүгэр Айсен Николаев 10,8 караттан ордук ыйааһыннаах айылҕа алмаастарыгар байыаннай дьайыы кэмигэр уһулуччулаах эр санааны уонна бэйэни харыстаммакка быһыыламмыт Саха сириттэн төрүттээх уонна олохтоох РФ Дьоруойдарын ааттарын иҥэрэр туһунан дьаһалга илии баттаабыта. РФ Дьоруойдарын чиэстэригэр ааттаммыт алмаастар өрөспүүбүлүкэ күндү таастар судаарыстыбаннай пуондаларыттан талыллыбыттара. Кристаллар Арассыыйа Дьоруойдарын — Николай Евдокимов, Филипп Евсеев, Дмитрий Егоров, Андрей Григорьев, Петр Киприянов, Александр Колесов, Дмитрий Куценко, Родимир Максимов, Алексей Неустроев, Алексей Петров, Николай Соболев уонна Игорь Юргин ааттарынан ааттаммыттара.
“Бастионы памяти” бырайыак иитинэн Саха сирэ Арассыыйа өссө үс эрэгийиэнигэр уонна Белоруссия Өрөспүүбүлүкэтигэр мемориаллары туруоруоҕа.…
Ахсынньы 20 күнүгэр Уус Алдан улууһун Бороҕонугар улахан уопуттаах учуутал, сатабыллаах салайааччы, дириҥ билиилээх этнопедагог,…
СӨ Борокуратуурата быһаарбытынан, Ил Түмэн дьокутаата хоруупсуйаны утары охсуһар сокуоҥҥа олоҕуран, баайын-дуолун туһунан сибидиэнньэни биэрэр…
Саха сириттэн байыаннай дьайыыга кыттар байыастар араас 150 анал тиэхиньикэни туттулар. 200-тэн тахса туонна гуманитарнай…
Хатаска ССРС успуордун маастарын А.В. Мокрощупов бирииһигэр тустууга күрэх буолан ааста. Бииргэ төрөөбүттэр курдук быстыспат…
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…