Айсен Николаев Арассыыйа Дьоруойа Игорь Юргин аҕатын көрүстэ

Ил Дархан Айсен Николаев бүгүн, кулун тутар 6 күнүгэр, Алдан улууһугар оробуочай сырыытын кэмигэр Аллараа Кураанах бөһүөлэккэ майор, Арассыыйа Дьоруойа  Игорь Юргин аҕатын Василий Алексеевич Юргины көрүстэ.

Санаттахха, Аллараа Кураанах бөһүөлэгин олохтооҕо, майор Игорь Юргин  Арассыыйа Дьоруойа аатын сүкпүтэ. Кини Саха сириттэн төрүттээх бэһис  Арассыыйа Дьоруойунан  буолбута. РФ Бэрэсидьиэнин 114 №-дээх Ыйааҕынан үрдүкү судаарыстыбаннай наҕарааданы туттарыы туһунан олунньу 15 күнүгэр илии баттаммыта.

Айсен Николаев дьиҥнээх буойуну уонна эрэллээх дьоруойу иитиигэ дьонугар истиҥ махталын биллэрдэ.

«Сүрүнэ – ыччаттарбыт Кыайыылаах эргилинниннэр. Уолгутугар Саха сирин олохтоохторуттан улахан махталбытын тиэрдиҥ. 28 сааһыгар номнуо майор буолбут, ол аата инникитин Генерал буолуон сөп», – диэн эттэ Ил Дархан.

«Соторутааҕыта уолум төлөпүөнүнэн эрийэ сылдьыбыта. Бойобуой дьайыылартан баҕар аны саас кэлиэм диэбитэ. Дойдутугар Игорь бу кыһын кэлэ сылдьыбыта. Оҕо эрдэҕиттэн бэйэтэ паркурунан дьарыктаммыта, байыаннай хайысханы бэйэтэ талбыта. Барҕа махтал, Айсен Сергеевич, биһиги уолаттарбытыгар бириэмэҕитин аныыргытыгар!»,- диэтэ Василий Юргин.

Сиһилии манна көр.

СӨ Ил Дарханын уонна Бырабыыталыстыбатын пресс- сулууспата