Андрей Сорокин, СИА
Саха Өрөспүүбүлүкэтин салалтатын аатыттан Арассыыйа култууратын үлэһиттэрин күнүнэн барыгытын ис-сүрэхпиттэн эҕэрдэлиибин!
Биһиги өрөспүүбүлүкэбитигэр 10 тыһыынчаттан тахса киһи тыйаатырдарга, мусуойдарга, култуурунай-сынньалаҥ кииннэригэр, бибилэтиэкэлэргэ, Олоҥхо дьиэлэригэр, киинэ хампаанньаларыгар, уо.да.а. култуура тэрилтэлэригэр үлэлииллэр. Кинилэр бары айар кыахтарын-күүстэрин биһиги ураты култуурабытын тарҕатыыга, үйэтитиигэ уураллар, биэрэллэр. Бу ураты күҥҥэ биһиги эһиги таһаарыылаах үлэҕит иһин махтаныах тустаахпыт. Саха сирин култуураҕа сыһыаннаах бырайыактара Арассыыйа уонна аан дойдут таһымнаах билиниини ылалларыттан биһиги бары киэн туттабыт.
Бүгүҥҥү күҥҥэ куораттарга уонна нэһилиэктэргэ «Култуура» национальнай бырайыак олоххо киириитэ күүскэ барар, бу чэрчитинэн, аныгы инфраструктура күүскэ сайдар. Ол курдук, кэлиҥҥи сылларга өрөспүүбүлүкэ үрдүнэн култуура 45 саҥа эбийиэгэ үлэҕэ киирэрэ ситиһилиннэ. Култуурунай араас хабааннаах тэрээһиннэргэ нэһилиэнньэ сылдьыыта 1,6 төгүл улаатта. Ааспыт сылга ити сыыппара 19,5 мөл. тэҥнэһэр.
Саха сирэ Арассыыйа үрдүнэн киинэни оҥорууга Москва уонна Санкт-Петербург кэнниттэн эрэгийиэннэр ортолоругар инники күөҥҥэ иһэр. Арассыыйа эрэгийиэннэригэр Дельфийскэй рейтининэн Саха сирэ тохсус миэстэлээх. Бу комплекснай күрэхтэһии буолар. Биһиги талааннаах дьоммут Арассыыйа, аан дойду таһымнаах тэрээһиннэргэ, бэстибээллэргэ кыттан, өрүү үрдүк ситиһиилээх, саҥа кыайыыларынан барыбытын үөрдэллэр.
Олоҥхо дьиэлэрин биир кэлим ситимэ оҥоһуллар, култуура устуоруйатыгар бастакынан кэриэтэ олоҥхоһуттарбытыгар, оһуокайдьыттарбытыгар уонна уустарбытыгар ый аайы истипиэндьийэ бэриллэр буолла. Киинэ ускуустубатын өйүүргэ аналлаах судаарыстыбаннай эрэгийиэннээҕи сокуон ылылынна. Ыам ыйын 21 күнүгэр Ырыа күнэ бэлиэтэнэрэ үтүө үгэскэ кубулуйда.
Саха сирин хас биирдии олохтооҕо бэйэтин талаанын арыйарыгар сөптөөх усулуобуйа баар, тэриллэр. Ыччакка эрэ буолбакка, аҕам саастаах дьоммутугар эмиэ болҕомто ууруллар. Инники өттүгэр хас биирдии киһи айар талаанын олоххо киллэрэригэр сөптөөх болҕомто өссө ууруллуоҕа.
Күндү доҕоттор! Эһиэхэ барыгытыгар эйэлээх олоҕу, хаһан да сүппэт күүһү-күдэҕи, үлэҕитигэр үрдүк ситиһиилэри, кытаанах доруобуйаны, дьолу-соргуну баҕарабын.
Саха Өрөспүүбүлүкэтин Ил Дархана А.С. Николаев
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…