Ил Дархан Айсен Николаев Арассыыйа федеральнай мэдиссиинискэй кииннэрин офтальмологтарын — Бүтүн Арассыыйатааҕы научнай-практическай кэмпириэнсийэ кыттааччыларын кытары көрүстэ. Туһааннаах кэмпириэнсийэ бу күннэргэ Дьокуускайга буола турар. Тэрээһиҥҥэ 19 субъектан 200 исписэлиис кыттар.
Өрөспүүбүлүкэ баһылыга мэдиссиинэ үлэһиттэрин Саха сирин офтальмологическай сулууспата тэриллибитэ 100 сылынан эҕэрдэлээтэ. Туһааннаах кэмпириэнсийэ бу бэлиэ даатаҕа ананар. Ил Дархан чуолаан Донецкай Норуодунай Өрөспүүбүлүкэҕэ көмөлөрүн иһин Саха сирин офтальмологтарыгар махталын тириэртэ.
«Кэлиҥҥи сылларга Саха сирин офтальмологическай балыыһата тубуста уонна өрөспүүбүлүкэ олохтоохторугар көмөтө улаатта. Офтальмологтар үһүс сылын Донецкай Норуодунай Өрөспүүбүлүкэ олохтоохторугар көмөлөһөллөр. Донецкайга тиийдэхпинэ олохтоохтор куруук махтаналлар. Биһиги быраастарбыт сүүһүнэн киһини эмтээтилэр. 2023 сыллаахха Кировскайга Саха сирин офтальмологическай балыыһатын филиала аһыллыбыта», – диэн эттэ Айсен Николаев.
Офтальмологтары кытта көрсүһүү кэмигэр мэдиссиинэ сайдыытын, өрөспүүбүлүкэҕэ доруобуйа харыстабылын бастакы звенотун тэрилинэн хааччыйыы боппуруостарын кэпсэттилэр.
Кэлии ыалдьыттар Саха сирин офтальмологическай килиниичэскэй балыыһатын үрдүктүк сыаналаатылар. Саха сирин быраастара эпэрээссийэ үгүс көрүҥүн оҥороллорун бэлиэтээн эттилэр.
«Микрохирургия глаза» им. академика С.Н. Федорова» Иркутскайдааҕы филиалын дириэктэрэ, үрдүк категориялаах офтальмолог-быраас, профессор Андрей Щуко: «Саха сирин офтальмологическай килиниичэскэй балыыһата сайдан иһэрэ киһини сөхтөрөр. Биһиги аныгы олох ирдэбилигэр эппиэттиир, саҥа тиэхиньикэнэн сэбилэммит балыыһаны көрдүбүт. Бу барыта өрөспүүбүлүкэ салалтатын өйөбүлүнэн ситиһиллибитин билэбит», – диэн бэлиэтээн эттэ.
Сиһилии https://www.sakha.gov.ru/news/6680
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…