Хаартыска: Ил Дархан пресс-сулууспата
Саха Өрөспүүбүлүкэтин салалтатын уонна тус бэйэм ааппыттан Арассыыйа предпринимательствотын күнүнэн эҕэрдэлиибин!
Саха сирэ социальнай-экэнэмиичэскэй өттүнэн ситиһиилээхтик сайдарыгар предпринимательство биллэр оруолу ылар. Биһиги эрэгийиэммит тас ырыынакка ситиһиилээх биисинэһи оҥорор улахан кыахтаах. Онно элбэх холобур баар. Өрөспүүбүлүкэ урбаанньыттарын уопсастыбата саҥа үлэ миэстэтин таһаарарга, Саха сирин нэһилиэнньэтин олоҕун хаачыстыбатын тупсарарга ханнык кылааты киллэрэрин биһиги бары билэбит. Эһиги ситиһиигититтэн, туруккутуттан уонна сайдыыгытыттан, ордук бу судургута суох, биһиги дойдубутугар сааҥсыйа улаханнык дьайар кэмигэр, элбэх киһи этэҥҥэ буолуута тутулуктаах.
Биһиги урбаанньыттарбыт дойдуларын дьиҥнээх патриоттара буолалларын көрдөрдүлэр. Саха сирин үгүс тэрилтэтэ байыаннай эпэрээссийэ биллэриллээтин кытары оҥорон таһаарар үлэтин хайысхатын уларыппыта. Байыаннай эпэрээссийэ байыастарыгар таҥаһы-сабы, суумкалары, утуйар мөһөөччүктэри тигэллэр, эми-тому, тиэхиньикэни уонна тэриллэри атыылаһан биэрэллэр. Волонтердар штабтарын үлэтигэр үгүс тэрилтэ кыттыыны ылар.
Билигин өрөспүүбүлүкэҕэ дьоҕус уонна орто предпринимательство субъектарын ахсаана 42 тыһыынчаҕа тиийэр, оттон бу эйгэҕэ дьарыктанаааччылар ахсааннара 126 тыһыынча киһиэхэ тиийэ элбээтэ. Бу биһиги эрэгийиэммитигэр суолталаах сыыппара, Саха сиригэр дьоҕус уонна орто биисинэс сүрүн суолталааҕын этэр.
Биллэн турар, предпринимательство сайдыытыгар дьоһун оруолу судаарыстыба ылар. Биһиэхэ өрөспүүбүлүкэбитигэр “Дьоҕус уонна орто предринимательство уонна биирдиилээн урбаанньыттар көҕүлээһиннэрин өйөөһүн” федеральнай национальнай бырайыак олоххо ситиһиилээхтик киллэриллэр.
Биһиги биисинэс сайдарыгар салгыы сөптөөх усулуобуйаны оҥорор, дьыалабыай килиимэт тупсарыгар көмөлөһөр, биир кэлим өйөбүл хайысхатын кэҥэтэр санаалаахпытыгар эрэниҥ.
Саха сирин урбаанньыттара салгыы үтүө суобастаахтык үлэлииллэригэр, саҥа бырайыактары уонна санаалары олоххо киллэрэллэригэр, оҥорон таһаарыыга саҥа технологиялары ситиһиилээхтик туһаналларыгар эрэнэбин.
Бу бырааһынньык күн эһиги үлэҕит-хамнаскыт иһин истиҥ махталбын биллэрэрбин көҥүллээҥ. Бырааһынньыккытынан, күндү урбаанньыттар. Эһиэхэ кытаанах доруобуйаны, дьолу-соргуну уонна дьиэ кэргэҥҥитигэр нус-хас олоҕу баҕарабын. Эһиги хас биирдии күҥҥүт үтүө санаанан, саҥа санааларынан уонна ситиһиилэринэн туоллун!
Саха Өрөспүүбүлүкэтин Ил Дархана Айсен Николаев.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…