Хаартыска: Sakhagov
СӨ Ил Дархана Айсен Николаев бүгүн, атырдьах ыйын 19 күнүгэр, Таҥара уларыйыытын (Преображение Господне) бырааһынньыгар Нуучча Православнай Таҥаратын Дьиэтин Дьокуускайдааҕы епархиятын Дьокуускай куораттааҕы Преображенскай кафедральнай собуоругар Дьокуускайдааҕы уонна Ленскэйдээҕи Архиепископ Романҥа фроҥҥа сылдьан аҕалбыт, православнай буойуттар араҥаччылааччылара, Димитрий Солунскай иконатын туттарда.
Айсен Николаев бэлиэтээбитинэн, Дьокуускайдааҕы уонна Ленскэйдээҕи архиепископ Роман алгыһынан, Амма улууһун Абаҕа сэлиэнньэтигэр сөргүтүллэ турар Николо-Димитриевскай таҥара дьиэтигэр ананан Москваҕа суруллубут Димитрий Солунскай иконата байыаннай дьайыы зонатыгар ыытыллыбыта.
«Кулун тутар саҥатыгар бу иконаны мин ДНӨ Свято-Успенскай Николо-Васильевскай манастыырыгар байыаннай дьайыы зонатыгар сүрүн аҕабыыт көмөлөһөөччүтүгэр протоиерей Пётр Гриценкоҕа туттарбытым. Димитрий Солунскай иконата аҕабыыт Пётр уонна атын аҕабыыттар кыһамньыларынан байыаннай дьайыыга баар бары часовнялары барытын кэрийдэ. Саха буойуттара сулууспалыыр фронун хайысхаларынан эргийдэ. Нэдиэлэттэн эрэ ордук буолла, биир часовняҕа Саха сириттэн сылдьар буойуттары кытта көрсүһүү кэннэ, аҕабыыт Пётр иконаны миэхэ туттарбыта.
Бүгүн кини инники кирбииттэн Дьокуускай куорат Преображенскай кафедральнай собуоругар аҕалылынна. Сотору кэминэн икона Амма улууһун Абаҕа сэлиэнньэтигэр сөргүтүллэ турар XIX үйэтээҕи таҥара дьиэтигэр барыаҕа», – диэн Ил Дархан эттэ.
Үөрүүлээх тэрээһин кыттыылаахтарыгар туһаайан, Айсен Николаев Димитрий Солунскай иконата биһиги дойдубутун өр сылларга араҥаччылыаҕа, биһиги буойуттарбытыгар көмөлөһүөҕэ уонна харыстыаҕа диэн эрэлин биллэрдэ.
Димитрий Солунскай иконатын туттарыы үөрүүлээх сиэригэр-туомугар байыаннай дьайыы зонатыгар сүрүн аҕабыыт көмөлөһөөччүтэ протоиерей Пётр Гриценко кытынна.
Бүгүн, атырдьах ыйын 19 күнүгэр, Дьокуускай куоракка "Движение первых" хамсааһын настаабынньыктарын эрэгийиэннээҕи сэминээрдэрэ буолла. Бу…
Кабачок саҕа түргэнник үүнэр, олус битэмииннээх оҕуруот аһа суоҕун кэриэтэ. Биһиги эһиэхэ кабачоктан барыанньа, лечо…
Бу сарсыарда 05:00 саҕана Дьокуускайга СӨ Суолга куттал суох буолуутун судаарыстыбаннай иниспиэксийэтин бөлөҕөр Богатырев уулуссатыгар…
– Аһыыр баҕам суох, мэлдьи утуйуохпун баҕарабын, өрүү сылайбыт курдукпун. Сороҕор кими да кытта кэпсэтиэхпин…
СӨ Ил Дарханын Айсен Николаев быһаарыытынан, 2022 сылтан БКЭ-ҕэ муҥутуур баалы ылбыт үөрэнээччилэр, итиэннэ кинилэр…
СӨ ОДьКХ министиэристибэтэ «Биир кэлим төлөбүр докумуонун сервиһа» подсистеманы киллэриигэ уонна кэҥэтиигэ үлэтин салгыыр. Биир…