сахагов
Ахсынньы 19 күнүгэр, чэппиэргэ, Саха Өрөспүүбүлүкэтин Ил Дархана Айсен Николаев Судаарыстыбаннай Мунньахха (Ил Түмэҥҥэ) Анал туһаайыытыгар Арктикаҕа субсидиялаах билиэттэри үбүлээһин кээмэйин оннунан хаалларар туһунан эттэ.
“Бүддьүөппүт уустуктарын да үрдүнэн хоту дойду олохтоохторун өйөөһүн таһымын аччатар табыллыбат. Онон сибээстээн Бырабыыталыстыбаттан 2025 сыл бастакы аҥаарыгар инфляцияны учуоттаан авиациянан тиэйиини субсидиялааһын кээмэйин бу сыллааҕар аччаппат туһунан боппуруоһу быһаарарыгар көрдөһөбүн”, — диэтэ Саха сирин Ил Дархана Анал этиитигэр.
Саха сирин Тырааныспарка министиэристибэтин чахчытынан олохтоох маршруттарга авиа-тиэйиилэри субсидиялааһыҥҥа 2024 сылга 1,029 млрд солкуобай көрүллүбүтэ, ол иһигэр оройуоннар истэригэр тиэйиигэ 404 мөл солкуобай. Арктика 14 маршрутунан оройуон иһигэр тиэйии 625 мөл солк. тэҥнэһэр. Нэһилиэнньэ үрдүк наадыйыытын болҕомтоҕо ылан, оройуоннар истэринээҕи социальнай суолталаах көтүүлэргэ субсидия алтынньы 1 күнүгэр толору туһныллыбыта.
2024 сыл 9 ыйыгар оройуоннар иһинээҕи туһаайыыларынан авиа-тиэйиигэ чэпчэтиинэн өрөспүүбүлүкэ 22 оройуонугар 112 маршрутунан 17 тыһыынча пассажир туһанна. Арктика 14 нэһилиэнньэлээх пуунуттан оройуоннар икки ардыларынааҕы туһаайыыларынна Дьокуускайга диэри уонна төттөрү айаннааһыҥҥа 24,8 тыһ. пассажиры анал тарыыбынан тиэйдилэр.
Санатан эттэххэ, икки сыллааҕыта Саха сирин баһылыга Айсен Николаев Арктика оройуоннарыгар авиа-тиэйиилэри субсидиялааһын бырагырааматын кэҥэппитэ. Бырагырааманы үбүлээһиҥҥэ 600 мөл солк. ыытыллыбыта, ол уруккутааҕар 10 төгүлүнэн элбэх. Бу улуустар олохтоохторо субсидиялаах билиэттэринэн саастарыттан хааччаҕа суох туһаналлар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Нам улууһун Таастаах нэһилиэгэр 90-с сылларга Чаакыйа үрэхтэн «Мас Анна» диэн сиргэ диэри 5,5 км…
Кэлиҥҥи ыйдарга дойду үрдүнэн киэҥник тарҕаммыт омук мессенджердэрин нөҥүө түөкүннээһин ахсаана үксээбитэ бэлиэтэнэр. Ордук WhatsApp*…
Киһи күннээҕи олоххо туох битэмиинэ тиийбэтин ситэри өйдөөбөт. Кини уутун хаммат, түргэнник сылайар буолбутун барытын…
Чэппиэр күн сарсыарда Дьокуускай куорат Владимировка сэлиэнньэтин таһыгар олохтоохтор тыатааҕыны көрбүттэр. Быһылаан буолбут сиригэр иниспиэктэрдэр…
Кобралар, ооҕуйдар, эбисийээнэлэр, пеликаннар... Балаҕан ыйын 1 күнүттэн дойду үрдүнэн чааһынай дьиэҕэ уонна кыбартыыраҕа экзотическай,…
Балаҕан ыйын 9-10 күннэригэр Дьокуускайга Саха сирин гражданскай уопсастыбатын институттарын сүрүн тэрээһинэ – «Гражданскай уопсастыба:…