Айсен Николаев Арктикатааҕы ускуустуба, култуура уонна креативнай индустрия судаарыстыбаннай университетын устудьуоннарын кытта көрүстэ

Ааспыт нэдиэлэҕэ Айсен Николаев Арктикатааҕы ускуустуба, култуура уонна креативнай индустрия судаарыстыбаннай университетыгар сырытта. Урукку култуура уонна ускуустуба института ааспыт сыл бүтүүтэ үрдүк үөрэх саҥа аатын ылан,  Уһук Илин уокурукка креативнай индустрия бастакы университетынан буоларын бигэргэттэ.

Саха сирэ Арассыыйаҕа креативнай экэниэмикэ эйгэтигэр инники сылдьар. Айар индустрияны сайыннарарга  инники күөҥҥэ турар соругунан каадыры бэлэмнээһин буолар. Үгүстэри эрэгийиэн иһигэр, чуолаан АУККИСУ бэлэмнииллэр. Тустаах кыһаны бүтэрбит 3,5 тыһ. тахса киһи култуура, ускуустуба, үөрэх, билим тэрилтэлэригэр үлэлииллэр. Кинилэр национальнай тыйаатыр туруорууларын, IT-бырайыактары айаллар, сирдэр дизайн-кодтарын оҥороллор, норуоттар икки ардыларынааҕы бириэмийэлэри ылаллар.

“Арктикатааҕы ускуустуба, култуура уонна креативнай индустрия судаарыстыбаннай университета, Уһук Илин уокурукка бастакы креативнай индустрия университетынан, ыччат сэҥээриитин ылар, култуураны, ускуустубаны уонна технологияны түмэр сиринэн буолар. Устудьуоннар  бу университеты араас идэ, хайысха бииргэ түмүллүбүт ураты эйгэтин иһин талабыт диэн этэллэр. Манна инникитин актер, режиссер, худуоһунньук, дизайнер, мусукаан буолуохтаах, ону тэҥэ, сыыппара технологиятыгар үлэлиэхтээх исписэлиистэр үөрэнэллэр. Бу Саха сиригэр уһулуччу суолталаах. Биһиги өрөспүүбүлүкэ иһигэр биир саамай кэскиллээх уонна сайдыы инники күөҥҥэ турар салаатыгар – креативнай экэниэмикэҕэ каадыры бэлэмниибит” – диэн Айсен Николаев эттэ.

Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.