Хаартыска: Ил Дархан пресс-сулууспата
Саха Өрөспүүбүлүкэтин Ил Дархана Айсен Николаев бэйэтин телеграм-ханаалыгар Авиалесоохрана сулууспата тэриллибитэ 92 сылынан эҕэрдэлээтэ.
«Авиалесоохрана үлэһиттэрэ бүгүн идэлээх бырааһынньыктарын уоту утары охсуһар үлэҕэ көрсөллөр. Бу сыллар тухары авиа-баһаарынайдар Саха сирин мөлүйүөнүнэн гектар ойуурун быыһаатылар. Кинилэр ыарахан уонна бэйэни харыстаммат үлэлэрэ идэҕэ бэлэмнээх буолууну эрэ буолбакка, хорсун быһыыны, суһаллык быһаарыыны ылынар сатабылы эрэйэр. Онуоха биһиги кинилэргэ муҥура суох махтанабыт”, — диэн Ил Дархан эҕэрдэтигэр эттэ.
“Авиалесоохрана” Саха сиринээҕи базатыгар билигин 712 үлэһит, ол иһигэр баһаар сулууспатын парашютнай-десантнай баһаарынай сулууспатын 555 киһитэ үлэлиир. Кинилэр атын эрэгийиэннэртэн кэлбит биир идэлээхтэрин кытары Саха сирин 11 улууһугар уоту утары охсуһаллар.
Санатан эттэххэ, былырыын Айсен Николаев быһаарыытынан, парашютнай-десантнай баһаарынай сулууспа үлэһитин ахсаана 221-тэн 405 киһиэхэ диэри эбиллибитэ. Өссө 2022 сыллаахха 150 десант-баһаарынай сезонунан үлэҕэ ылыллыбыта. Кинилэр хайыы үйэ бастайааннай штакка ылыллан үлэлии-хамсыы сылдьаллар.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…