Айсен Николаев Азиатскай-Тихоокеанскай Баан салайааччытын кытта көрүстэ
29.03.2023, 10:51
Хаартыска: www.sakha.gov.ru
Бөлөххө киир:
Ил Дархан Айсен Николаев Азиатскай-Тихоокеанскай Баан Бырабылыанньатын бэрэссэдээтэлэ Кайрат Алтынбековы кытта көрсөн кэпсэттэ.
Көрсүһүүгэ баан Бырабылыанньатын бэрэссэдээтэлин сүбэһитэ Данияр Акишев, баан килийиэннэри кытта үлэҕэ департаменын дириэктэрэ Вадим Герасимов кытыннылар. Баан салайааччыта Кайрат Алтынбеков Айсен Николаевка инвестиционнай бырайыактары олоххо киллэрии, сир баайын хостооччуларга аналлаах кирэдьииттээһини уонна баан үлэтин-хамнаһын тустарынан сиһилии кэпсээтэ.
Инники өттүгэр бииргэ үлэлииргэ, чуолаан Саха сиригэр олорор дьиэни, социальнай эбийиэктэри тутууга сыһыаннаах бырайыактарга кирэдьиити көрүү уонна өрөспүүбүлүкэ олоҕор-дьаһаҕар улахан суолталаах тэрилтэлэргэ үп эргиирин өҥөтүн оҥоруу тустарынан быһаарыстылар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: