Айсен Николаев: «Азия оҕолоро» оонньууга Саха сириттэн 65 спортсмен кыттыаҕа. Ситиһиилэри баҕарабыт»

«Азия оҕолоро»  норуоттар икки ардыларынааҕы кыһыҥҥы II оонньуулар буолаллара 22 күн хаалла. Саха сириттэн бу күрэхтэһиигэ 60-тан тахса спортсмен кыттыаҕа. Оонньуу аһыллыыта олунньу 25 күнүгэр Кемеровскай уобаласка буолуоҕа. 

«Тустаах бэлэмнэнии барыта этэҥҥэ ааста. Саха сирин сүүмэрдэммит хамаандатыттан сорохтор онно эрчиллэ сылдьаллар. 65 эдэр спортсменнарбыт алта көрүҥҥэ кыттыахтара. Биһиги хайыһардьыттарбыт, хоккеистарбыт кэлиҥҥэ кэмҥэ үчүгэй көрдөрүүлэри ситиһэллэр, онно кинилэргэ эрэлбит улахан. Атын да көрүҥнэргэ  кыттыахтара. Биһиги кинилэргэ ситиһиилээхтик кытталларыгар баҕарабыт», —  диэн Ил Дархан Айсен Николаев «Якутия, вперед!» биэриигэ «Якутия24» ханаалга эттэ.