Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыытылыстыбатын пресс – сулууспата
От ыйын 8 күнүгэр Ил Дархан Айсен Николаев Алдан улууһугар ыксаллаах быһыыны – майгыны туоратар, баһаары утары үлэлиир хамыыһыйаҕа мунньах ыытта. Бу туһунан СӨ Ил Дарханын уонна Бырабыытылыстыбатын пресс-сулууспата иһитиннэрэр.
Ааспыт сууккаҕа АН-26 «Атмосфер” сөмөлүөт Бүлүү бөлөх улуустарыгар үлэлээбит, оттон Як-40 – Алдан улууһугар.
Бүгүн сарсыарда Ан-26 Амма улууһугар көттө. Як-40 Алдан улууһугар көтөрө былааннанар.
Уопсайа өрөспүүбүлүкэҕэ 231 065,9 га иэннээх 171 ойуур баһаара баар. Олортон 140 баһаара хонтуруолланаллар. 1591 га иэннээх 8 баһаар умуруорулунна. Онуоха Өймөкөөн улууһугар 256 га иэннээх ландшафтнай баһаар тахсыбыт.
Уоту утары охсуһууга уопсайа 891 киһи уонна 37 тиэхиньикэ үлэлии сылдьаллар. Өрөспүүбүлүкэҕэ «Авиалесоохрана” федеральнай салалтатыттан эбии 151 киһи уонна 3 бөртөлүөт көмөҕө кэллилэр. Ону таһынан, Уус Маайа улууһун баһаардарыгар Забайкальскай кыраайтан парашютно-десантнай сулууспаттан 40 киһи уонна Читаттан 30 киһи кэллэ. Бүгүн өссө 25 киһи Бурятияттан кэлиэҕэ.
Мунньахха баһаардары умулларыы миэрэлэрин туһунан улуустар баһылыктара иһитиннэрдилэр: Алдан – Александр Шестопалов, Нерюнгри – Роман Щегельняк, Өлүөхүмэ – Николай Харбин, Уус Маайа – Александр Антипин. Бу оройуоннарга ыксаллаах быһыы – майгы эрэсиимэ биллэриллибитэ.
«Бүгүҥҥү сорукпут – быстах кэмҥэ, салгыы сайдыбатын курдук, баһаардары умулларыы, эрдэттэн тохтотуу, бэл диэтэр, саамай кыра кутталы суох оҥоруу», — диэн эттэ Айсен Николаев.
Эльдар Садовников
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…