Хаартыскаҕа Мария Васильева түһэриитэ, СИА
Бэҕэһээ, балаҕан ыйын 23 күнүгэр, Ил Дархан Айсен Николаев биэс баһылыгы кытары көрүстэ. Ил Дархан кинилэри быыбарга кыайыыларынан эҕэрдэлээтэ, этиилэрин иһиттэ уонна кинилэри эрэнэн талбыт сирдэригэр-уоттарыгар социальнай-экэнэмиичэскэй сайдыылар соруктарын иһитиннэрдэ.
Куоластааһын биир кэлим түмүгүнэн саҥа болдьоххо өссө төгүл Өлүөхүмэ улууһугар баһылыгынан Николай Харбин, Аллайыахаҕа Яков Елисеев, «Жатай» куорат уокуругар Евгения Исаева талыллыбыттара. Оттон улуус саҥа баһылыктарынан Аллараа Халымаҕа Ярослав Бандеров уонна Өймөкөөҥҥө Александр Оконешников буолбуттара.
Көрсүһүүгэ байыаннай дьайыы кыттыылаахтарын өйөөһүн, Бэрэсидьиэн национальнай бырайыактарын уонна СӨ Ил Дарханын суолталаах ыйаахтарын олоххо киллэрии туһунан кэпсэтии барда.
«Эһиги соруккут — дьону түмүү уонна улуус инники сайдыытыгар үлэлэһии. Байыаннай сулууспалаахтарбытын уонна кинилэр дьиэ кэргэттэрин өйүүртэн национальнай бырайыактарга уонна ыйаахтары толорууга тиийэ, оттук сезонугар сыһыаннаах боппуруостар хайдахтарыттан саҕалаан, күннээҕи боппуруостарга тиийэ сүрүн соругунан буолуохтаахтар. СӨ Бырабыыталыстыбата инникитин даҕаны дьон-сэргэ олоҕун хаачыстыбатын үрдэтиигэ туһуламмыт көҕүлээһиннэри өйүө«, — диэтэ Айсен Николаев.
Итини сэргэ, социальнай уонна инфраструктурнай эбийиэктэри тутуу, Жатайга 360 миэстэлээх оскуола, Чокурдаахха канализационнай-ыраастыыр ыстаансыйа, Черскэйгэ ТЭЦ, Халыма уонна Андрюшкино сэлиэнньэлэригэр оскуолалар, Уус Ньараҕа ититии ситимин, Өлүөхүмэ улууһугар газ ситимин тардыы боппуруостара дьүүллэһилиннилэр.
Санатар буоллахха, куоластааһын биир кэлим күнэ балаҕан ыйын 8 күнүгэр буолбута. Саха сиригэр түөрт улуус баһылыгын уонна биир куорат уокуругун баһылыгын талбыттара.
Түөрт кыайыылаах «Биир ньыгыл Арассыыйа» баартыйаттан — Аллайыаха улууһугар Яков Елисеев, Жатайга Евгения Исаева, Аллараа Халымаҕа Ярослав Бандеров, Өлүөхүмэ улууһугар Николай Харбин туруоруллубуттара. Өймөкөөн улууһугар бэйэтин туруорунан кыайыыны ситиспит Александр Оконешников эмиэ «Биир ньыгыл Арассыыйа» баартыйа чилиэнинэн буолар.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Мария Васильева түһэриитэ, СИА
Сыл саҕаланыытыттан Саха сиригэр гепатит ыарыыга 5 тыһ. тахса киһи бэрэбиэркэлэннэ. 89 киһиэхэ быар ыарыытын…
Дьокуускай куорат борокуратуурата 43 саастаах олохтооҕо холуобунай дьыалатын судаарыстыбаннай буруйдааһынын өйөөтө. Кини киһини өлөрүүгэ уонна…
Ил Дархан архитектураҕа уонна градостроительстваҕа управлениета өрөспүүбүлүкэ Бастакы Бэрэсидьиэнэ Михаил Ефимович Николаев кэриэһигэр архитектура-уус-уран киэҥ…
Дьокуускай куорат 22 саастаах олохтооҕо ГИБДД сулууспатыгар 15 ыстарабын төлөөбөккө административнай эппиэтинэскэ тардылынна. Саха сиринээҕи…
Өлүөнэ күргэтин тутуу былаһааккатыгар ыам ыйын бастакы дэкээдэтигэр муус эстэр кэмигэр үлэ салҕаныа. Быйыл 300-тэн…
Саха сиригэр “Аҕа дойдуну көмүскээччилэр” судаарыстыбаннай пуонда филиалыгар 40 тыһ. тахса сурук киирбит. Ити туһунан…