Айсен Николаев: «Байыаннай дьайыыга көмөбүт салҕанар»

Балаҕан ыйын 27 күнүгэр Ил Дархан Айсен Николаевы кытта быһа эпиир саҕаланна. Нэдиэлэ инниттэн 1317 ыйытыы киирбитэ. Быһа эпиир кэмигэр анал байыаннай дьайыыга сылдьар байыастар видеонан эрийэн, Судаарыстыбаннас күнүнэн эҕэрдэлээтилэр.

— Биһиги байыастарбытыгар көмөлөспүппүт уонна көмөлөһө да туруохпут. Саха сирэ аан бастакы күнтэн бу боппуруоһунан былааннаахтык, систиэмэлээхтик уонна дьаныһан дьарыктанар.

Биһиги бэйэбит оҥорор тиэхиньикэбит — квадроцикллар, электро-матасыыкыллар, fpv-дроннар, о.д.а. ыксаллаах балаһыанньаҕа олус үчүгэй өттүттэн көрдөрдүлэр. Былырыын Юрий Петрович Трутнев өйөбүлүнэн, бу сыалга федеральнай үбү ылбыппыт.

Саха сирин офтальмологтара уонна да атын быраастар Донецкай Өрөспүүбүлүкэҕэ  тиийэн, 30 тыһыынчаттан тахса киһини көрдүлэр уонна 6 тыһыынчаттан тахса эпэрээссийэни оҥордулар.

Волонтердарбыт анал таҥас тигиигэ, харыстыыр сиэккэлэри өрүүгэ илиилэрин сылааһын иҥэрэн, өрөөбөккө үлэлииллэр. Саха сирин көмөтө өссө да салҕана туруоҕа, — диэн Айсен Николаев эттэ.