Ил Дархан Айсен Николаев бүгүн байыаннай дьайыыга сырдык тыыннарын толук уурбут байыастар дьоннорун кытары көрүстэ.
—Эһиги чугас дьоҥҥут Ийэ дойдуну хорсуннук көмүскээбиттэрэ. Кинилэр дойдуну көмүскээн, эйэни, кырдьыгы туруулаһан, киһиэхэ саамай күндүтүн — олохторун толук уурбуттара. Бу биһиэхэ бука барыбытыгар, бүтүн Сахабыт сиригэр уонна дойдубутугар — улахан сүтүк. Эһиги хорсун-хоодуот санаалаах төрөппүттэргит. Эһиэхэ Саха сирин норуота бүттүүн хоҥкуйар, – диэн этэр Ил Дархан.
Кини РФ Бэрэсидьиэнэ Владимир Путин байыаннай дьайыы байыастарын уонна кинилэр чугас дьоннорун өйүүр, кинилэргэ көмөлөһөр биһиги эбээһинэспит уонна ытык иэспит диэн этиитин санатта.
—Саха сирин салалтатын бары таһымыгар биһиги маны тутуһабыт. Хас биирдии байыас биһиэхэ, миэхэ, Саха сирин бары дьонугар суолталаах. Таптыыр чугас дьоннорун сүтэрбит хас биирдии ыал судаарыстыбаттан, «Аҕа дойдуну көмүскээччилэр» пуондаттан, федеральнай былаас уорганнарыттан, РФ Оборуонаҕа министиэристибэтиттэн, волонтердартан, Саха сирин бырабыыталыстыбатыттан өйөбүлү ылар, кыһамньы ууруллар, — диэн бэлиэтиир Айсен Николаев.
Олохторун толук уурбут байыаннай сулууспалаахтар ийэлэрэ Альбина Винокурова, Маргарита Кошкарева уонна сырдык тыына быстыбыт хорсун байыас кэргэнэ Ефросинья Ноговицина көрсүһүүгэ кыһалҕаларын кэпсээтилэр уонна байыаннай эпэрээссийэ кыттыылаахтарын дьиэ кэргэттэригэр көмөнү оҥороллоругар махтаннылар.
—Ил Дархан өйөбүлэ биһиэхэ наһаа наада. Хас сырыы ахсын биһиги бэйэбит эрэ буолбатах эбиппи, аттыбытыгар өйөбүл буолар дьон бары бааллар диэн итэҕэйэбит. Байыаннай эпэрээссийэ кытыылаахтарын дьиэ кэргэттэригэр болҕомто салҕанарыгар эрэнэбин, — диэн этэр Альбина Винокурова.
Кошкарева Маргарита байыаннай сулууспалаахтар дьиэ кэргэттэригэр өрөспүүбүлүкэ салалтата улахан болҕомтотун уурарын бэлиэтиир.
—Биһиги «Аҕа дойдуну көмүскээччилэр» пуонданы кытары сибээһи тутуһабыт. Кинилэр биһиэхэ көмөлөһөллөр, бары куратордаахпыт. Мин Москваҕа «Бэс Чагда» санаторийга босхо путевка ылан сынньанан, эмтэнэн, аматыйдым. Өрөспүүбүлүкэ салалтата болҕомтотун, кыһамньытын уурарыгар махтанабын, — диэн этэр кини.
Дьоруойдар ийэлэрин санааларыгар Ефросиния Ноговицина кыттыһан бэйэтин санаатын тиэртэ.
—Биһиги дьиэ кэргэммитигэр «Аҕа дойдуну көмүскээччилэр» пуонда сүрүннээччилэрэ куруук көмөлөһөллөр, үрдүкү салалтабыт өйөбүлүн билэ-көрө олоробут, — диэтэ кини.
—Өрөспүүбүлүкэ баһылыга буоларым быһыытынан, эһиэхэ өссө туох быһаарылла илик боппуруос баарын, туох көмө наадатын, уопсайынан байыаннай эпэрээссийэ кыттыылаахтарын дьиэ кэргэттэригэр туох көмө, өйөбүл наадатын билэрим наада. Бу бопуруостары бука барытын түргэнник быһаарарга кыһаллыам, — диэтэ Ил Дархан Айсен Николаев.
СӨ Ил Дарханын уонна бырабыыталыстыбатын пресс-сулууспата
Як-40 зондировщик сөмөлүөт Дьокуускай куоракка ыам ыйын 15 күнүгэр, сэрэдэҕэ, Новосибирскай куораттан кэллэ. Киин аэрологическай…
Бу күннэргэ гражданскай уопсастыбаны сайыннарыыга Ил Дархан граныгар куонкуруска киирбит сайаапкалары үөрэтии түмүктэннэ. Грант ыларга…
Бүгүн, ыам ыйын 16 күнүгэр, Саха сирин синоптикара Ленскэй, Өлүөхүмэ, Сунтаар, Ньурба, Үөһээ Бүлүү, Бүлүү…
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…
"Михаил Ефимович Николаев: вклад в государственную семейную политику Российской Федерации" диэн кинигэ сүрэхтэниитэ бүгүн, ыам…
Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…