Салгыы
Айсен Николаев: «Байыаннай дьайыыга сылдьааччылары өйүүр биһиги сүрүн сорукпут»

Айсен Николаев: «Байыаннай дьайыыга сылдьааччылары өйүүр биһиги сүрүн сорукпут»

01.02.2023, 22:18
Бөлөххө киир:

«Байыаннай дьайыыларга сылдьар дьоҥҥо, кинилэр чугас дьонноругар бары өрүттээх көмө оҥоһуллар, тоһоҕолоон эттэхпинэ, кинилэри өйүүр, көмөлөһөр биһиги бастакы сорукпут», — диэн, бүгүн, олунньу 1 күнүгэр, Ил Дархан Айсен Николаев «Якутия, вперед!» биэриигэ «Якутия24» ханаалга эттэ.

«Билигин аны байыаннай сулууспалаахтарбыт доруобуйаларын чөлүгэр түһэрэргэ өрөспүүбүлүкэҕэ туспа мэдиссиинэ тэрилтэтин тэрийэр сорук турар. Бырабыыталыстыба өттүттэн үлэ барар. Бу күннэргэ мунньах буолуо, онно ити боппуруоска министиэристибэлэрбит, биэдэмистибэлэрбит этиилэрин киллэриэхтэрэ», — диэн эттэ Айсен Николаев.

Инникитин байыаннай дьайыыларга сылдьыбыт дьоммут доруобуйаларын чөлүгэр түһэрэргэ, сөптөөх эмтэниини баралларыгар үлэ күүскэ барыа диэн Ил Дархан тоһоҕолоон бэлиэтээтэ. Ол курдук, өрөспүүбүлүкэ иһигэр даҕаны, «Бэс Чагда» санаторийга, онтон даҕаны атын сынньанар, эмтэнэр сирдэргэ сөптөөх эмтэниини ааһыахтара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: