Айсен Николаев: «Байыаннай эпэрээссийэҕэ хаачыстыбалаах малы-салы, тэрили ыытыахтаахпыт»

Бүгүн, ахсынньы 25 күнүгэр, Ил Дархан Айсен Николаев суруналыыстар ыйытыыларыгар хоруйдаата.

Суруналыыстар чуолаан байыаннай эпэрээссийэҕэ сылдьар уолаттарга туох көмө оҥоһулларын туһунан ыйыттылар. «Билигин ыытылла турар улахан тэрээһин үлэлэригэр биһиги сүрүн болҕомтону хаачыстыбалаах сэби-сэбиргэли ылыыга уурабыт. Дойдуларын көмүскүү сылдьар биир дойдулаахтарбытыгар саамай хаачыстыбалаах уонна наадалаах табаардары ылыахтаахпыт», —  диэтэ.

Санатар буоллахха, суһал ыстаап быһаарыытынан, быһа холоон байыаннай эпэрээссийэҕэ сылдьар дьоммутугар туох мал-сал, таҥас-сап наадатын испииһэгэ оҥоһуллубут. Бу испииһэги оҥорууга бойобуой дьайыы бэтэрээннэрэ уонна өрөспүүбүлүкэ байыаннай комиссариатын бэрэстэбиитэллэрэ кыттыыны ылбыттара.