Тохсунньу 13 күнүгэр – Арассыыйа Бэчээтин күнүгэр Ил Дархан Айсен Николаев байыаннай кэрэспэдьиэннэри кытары көрүстэ. Өрөспүүбүлүкэ көрдөрөр-иһитиннэрэр сириэстибэлэрин бэрэстэбиитэллэрэ бу күһүн Арассыыйатааҕы спецназ университетыгар үөрэммиттэрэ, анал бэлэмнэниини ааспыттара. Кинилэр үөрэх хайдах барбытын уонна анал байыаннай дьайыы буола турар сиригэр тиийэн хайдах үлэлээбиттэрин туһунан кэпсээтилэр.
Айсен Николаев байыаннай кэрэспэдьиэннэри идэлээх бырааһынньыктарынан эҕэрдэлээтэ уонна кинилэр үлэлэрэ улахан суолталааҕын бэлиэтээтэ.
— Билигин кырдьыктаах уонна суһал информация суолтата хас да төгүл улаатан турар. Саха сирин байыаннай кэрэспэдьиэннэрэ миэстэтигэр тиийэн, көрөн-истэн, быһаарыы ылынан, суһал уонна кырдьыктаах матырыйааллары ыытан, бу буола турар информационнай сэриигэ инники күөҥҥэ сылдьыбыттарын чиэстээхтик көрдөрдүлэр, — диэн кини эттэ уонна наҕараадалары туттарда.
Бэлиэтээн эттэххэ, байыаннай кэрэспэдьиэннэр куурустарын бастакынан “Сахамедиа” холдинг үлэһиттэрэ барбыттара. СИА анал кэрэспэдьиэнэ Николай Борисов анал байыаннай дьайыы буола турар сиригэр тиийэн, байыаннай сулууспалаахтар хайдах олороллорун, сэриилэһэллэрин туһунан сэдэх каадырдары уонна ураты репортажтары оҥорон, сырдаппыта.
“Үөрэхтээһин” национальнай бырайыак “Үөрэх сыыппараҕа эйгэтэ” федеральнай бырагыраама чэрчитинэн “Айар Уустар” креативнай индустрия кэллиэһэ күүстээх…
Саха сиригэр анал байыаннай дьайыы кыттыылаахтарыгар араас хайысхалаах өйөбүл оҥоһуллар. Дьокуускай куорат дьаһалтата 2023 сыл…
Саха сирин бастакы вице-премьера Дмитрий Садовников Баайга-дуолга уонна сир сыһыаннаһыыларыгар миниистир бастакы солбуйааччытынан анаммыт Светлана…
Саха сирин баһылыга Айсен Николаев сорудаҕынан, Инбэлииттэри кэлимник реабилитациялыыр өрөспүүбүлүкэтээҕи социальнай-чэбдигирдэр кииҥҥэ анал байыаннай дьайыы…
Дьокуускай куорат аннынан муус хойуутук устар. Дьокуускай — Аллараа Бэстээх маршрутунан Өлүөнэ өрүскэ барыта 30…
ИДьМ холуобунай ирдэбилин үлэһиттэрэ Хаҥалас улууһугар харчыны уорууга уорбаланар 52 саастаах эр киһини туттулар. Бу…