Салгыы
Айсен Николаев байыас ийэтин кытта көрүстэ

Айсен Николаев байыас ийэтин кытта көрүстэ

Ааптар:
25.03.2023, 17:39
СИА. Андрей Сорокин түһэриитэ
Бөлөххө киир:

Ил Дархан Айсен Николаев Орто Халымаҕа оробуочай сырыытынан үлэлиир кэмигэр, байыаннай сулууспалаах ийэтэ Валентина Ляшколыын көрүстэ. Киниэхэ махтал тылларын эттэ. 

Ярослав байыаннай сулууспалаах идэтин мээнэҕэ талбатах. Кини Орто Халыматааҕы орто оскуолатын  үөрэнэн бүтэрэн баран, Инженернэй институкка туттарсан киирбит эрээри, миэнэ буолбатах диэн тута өйдөөбүт. Аармыйаҕа сулууспаҕа ыҥырыллыбыт уонна устунан хантараак түһэрсэн онно хаалбыт.

«Ярослав ийэтин өттүнэн икки эһээтэ Халыма хаһаактара этилэрэ, кинилэр 25 сыл сулууспалаабыттар. Аҕатын өттүнэн эмиэ хаһаактардаах. Эһээтэ байыанна лүөччүк этэ. Аҕабыт Ярослав 10 саастааҕар суох буолбута. Лүөччүк этэ, авиацияҕа үлэлээбитэ», — диэн Валентина Николаевна кэпсиир.

Ярослав байыаннай дьайыыга былырыын муус устар ыйга барбыта. Ити сыл бэс ыйыгар кини подразделениета ахсааннарын быдан баһыйар өстөөхтөрүн утары киирсиигэ киирбитэ. Кини киирсии кэмигэр бииргэ сылдьар табаарыстарын бүөлүүр сыалтан өстөөхтөрү утары уоту аспыта.

Ярослав ыарахан бааһырыыны ылбыта, кыайан хаамар кыаҕа суоҕа. Үс күнүнэн Арассыыйа аармыйатыгар этэҥҥэ тиийбитэ. Ол баран иһэн, өстөөхтөр кистэнэн сытар балаһыанньаларын билбитэ. Тута санитарнай авиациянан Москва куоракка кэлбитигэр, эпэрээссийэни оҥорбуттара. Реабилитацияны Хабаровскайга ааспыта. Ахсынньыга уоппускатыгар  дойдутугар кэлэн дьонун көрсүбүтэ. Ахсынньы бүтүүтэ байыаннай чааһыгар төннүбүтэ уонна байыаннай дьайыы буола турар сиригэр тиийбитэ. Соторутааҕыта командиваниеттан  Орто Халыма куоратын дьаһалтатыгар махтал сурук кэлбитэ. Ярослав «Бойобуой дьайыылар бэтэрээннэрэ» диэн дастабырыанньаны ылбыта.

«Мин уолбунан олус киэн туттабын. Кини кыра эрдэҕиттэн олус сытыыта. Оскуолаҕа үчүгэйдик үөрэммитэ. Үҥкүү куруһуогар сылдьыбыта. Бу куорат баһылыгыттан махтал суругу тутан олоробун. Маннык хабааннаах сурук Ярослав үөрэммит оскуолатыгар эмиэ тиийбитэ», — диэн  Валентина Николаевна санаатын үллэһиннэ.

Ил Дархан Айсен Николаев  дьоруой ийэтэ РФ Оборуонатын министиэристибэтиттэн бары төлөбүрү ыларыгар сөптөөх көмөнү оҥороллоругар сорудахтаата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
12 июня
  • 16°C
  • Ощущается: 15°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: