Хаартыска sakha.gov.ru ылылынна
Ил Дархан Айсен Николаев бүгүн, ахсынньы 2 күнүгэр, «Биир ньыгыл Арассыыйа» баартыйа бэрэссэдээтэлэ Дмитрий Медведев эрэгийиэннээҕи уопсастыбаннай приемнайыгар, гражданнары көрүстэ.
Ил Дарханы кытта Саха сириттэн байыас огдообото, элбэх оҕолоох ийэ Евгения Д. көрүстэ. Кини дьиэлэрин тутуутун түмүктүүргэ материальнай көмөнү биэрэргэ көмөлөһөрүгэр көрдөстө. Евгения мобилизацияланан барбыт кэргэнэ балтараа сыл буолан баран байыаннай дьайыыттан уоппускатыгар кэлэ сылдьыбытын уонна дойдутугар соһумардык олохтон туораабытын эттэ.
«Кэргэним уоппускатыгар кэлэ сылдьан олохтон туораабыт буолан, биһиги байыаннай биэдэмистибэттэн төлөбүр ылбатахпыт, киниэхэ байыаннай дьайыы бэтэрээнин статуһа бэриллибэтэҕэ. Дьиэ кэргэн толору кээмэйинэн да буолбатар, чэпчэтиинэн туһанар, социальнай өйөбүлү ылар бырааптаах. Өрөспүүбүлүкэ өртүттэн үбүнэн-харчынан көмө оҥоһуллубута, ол да буоллар биһиги дьиэни тутан бүтэрэрбитигэр үп-харчы тиийбэт«, — диэн этэр Евгения Д.
Айсен Николаев тутууну түмүктүүргэ наадалааҕынан көмөлөһөргө, элбэх оҕолоох дьиэ кэргэҥҥэ волонтердар көмөлөрүн тиһиктээхтик тэрийэргэ, «Дьокуускай куорат аҕаларын сэбиэтэ» уопсастыбаннай түмсүү ыкса сибээһи тутарыгар соруйда.
«Өрөспүүбүлүкэ дьоруойдарбыт дьиэ кэргэттэригэр хайаан да көмөлөһөр. Биһиги бары бииргэ наадалаах дьаһаллары ылыахпыт. Бойобуой дьайыы бэтэрээнин статуһун быһаарарга Аҕа дойду буойуннарын дьиэ кэргэттэрин кэмитиэтин сибээстиир наадалаах», — диэтэ Ил Дархан.
СӨ Ил Дархан уонна Бырабыыталыстыба пресс-сулууспата
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.