Хаарытска: СИА
Ил Дархан Айсен Николаев Донецкай Өрөспүүбүлүкэтигэр бара сылдьан, байыаннай сулууспалаахтары хааччыйар тирэх пууннарга сырытта. Кини байыастарга өссө төгүл «Сокол» квадроцикллары тиксэрдэ.
Айсен Николаев тирэх пууннарга Саха сириттэн сылдьар байыастары кытта көрүстэ. «Байыастар тирэх пууннар үлэлэрин хайгыыллар, Саха сиригэр өйөбүл, көмө иһин махталларын тиэрдэллэр. Биир дойдулаахтарбыт сулууспалыыр байыаннай чаастарга 12 «Сокол» квадроцикллары уонна атын наадалаах маллары тиэртим» диэн кини «телеграм-ханаалыгар» суруйда.
Бу маннык квадроцикллары Дьокуускайга «Якт-Сокол» тэрилтэ оҥорон таһаарар. Уһук Илиҥҥэ бэрэсидьиэн боломуочуйалаах бэрэстэбиитэлэ, вице-премьер Юрий Трутнев Саха сиригэр кэлэ сылдьан, бу маннык оҥорон таһаарыыны элбэтэр туһунан эппитэ. Онон өссө 50 квадроциклы оҥорон, тиксэрэр былааннаахтар. Бу көлөлөр суола-ииһэ суох сирдэргэ үчүгэйдик сылдьалларынан табыгастаахтар.
Саха сирин Кэлим сүрүннүүр киинин тирэх пууннара 2022 сыл сэтинньитигэр тэриллибиттэрэ. Донецкай Өрөспүүбүлүкэтигэр бойобуой дьайыылар буола турар сирдэриттэн чугас бааллар. Тирэх пууннар анал малларынан хааччыйыынан эрэ дьарыктамматтар, бааһырбыттарга бары өттүнэн көмөлөһөллөр, докумуоннарын оҥорон биэрэллэр.
«Тирэх пууннар үлэһиттэригэр махтаныахпын баҕарабын. уустук усулуобуйаҕа сылдьан, байыастарга туох наадатын барытын тиксэрэллэр, бэриниилээхтик үлэлииллэр«, — диэн Айсен Николаев махтанна.
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…