Хаартыска: СӨ Ил Дарханын уонна Бырабыыталыстыбатын пресс-сулууспата
Байыаннай дьайыыга кыттар байыастары уонна кинилэр дьиэ кэргэттэрин өйөөһүн – өрөспүүбүлүкэ былааһын сүрүн соруга. Бу туһунан Ил Дархан Айсен Николаев «Саха» НКИХ ханаалга «Ил Дарханныын кэпсэтии» биэриигэ эттэ.
Соторутааҕыта кини Донецкайга баран, хас да сиргэ байыастары кытта көрсүбүтүн санатта. Ил Дархан бэлиэтээбитинэн, байыастарбыт санаалара күүстээх. «Уолаттар дойдуларыгар сүрдээҕин махтаналлар, эҕэрдэ тиэрдэллэр. Уонна сотору кэминэн кыайыылаах эргиллиэхпит диэн эрэннэрэллэр», – диэн Ил Дархан кинилэр тылларын тириэртэ. Өрөспүүбүлүкэ баһылыгын биир полигоҥҥа саха уолаттара туппут Арчы дьиэлэрэ улаханнык долгуппут. Кини байыастарга көмө тиһигин быспакка оҥоһулларын уонна тирэх пууннар үлэлииллэрин эбэн эттэ.
Маны таһынан, Айсен Николаев байыаннай дьайыы кыттыылаахтарыгар анаммыт «Саха сирэ – дьоруойдар сирдэрэ» бырагыраама салҕанарын туһунан кэпсээтэ. Бастакы талыллыбыт кыттааччылар очнай үөрэҕи ааһан, билигин кэтэхтэн үөрэнэ сылдьаллар. «Бырагыраама сүрүн сыала – кинилэртэн салгыы өрөспүүбүлүкэҕэ, дойдуга туһалаах, билиилээх-көрүүлээх, бэриниилээх салайааччылары иитэн таһаарыы», – диэн Айсен Николаев түмүктээтэ.
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…