Айсен Николаев Бастакы Бэрэсидьиэн Михаил Николаев уҥуоҕар сибэкки дьөрбөтүн уурда

Бүгүн, атырдьах ыйын 4 күнүгэр, Саха сирин Бастакы Бэрэсидьиэнэ Михаил Ефимович Николаев олохтон туораабыта биир сыл буолла.

Ил Дархан Айсен Николаев Михаил Николаев көмүс уҥуоҕар сибэкки дьөрбөтүн уурда.

«Улуу киһи уҥуоҕар махтана, сүгүрүйэ аймахтара, бииргэ үлэлээбит дьоно уонна доҕотторо кэллилэр. Кини туһунан сырдык өйдөбүл Саха сирин махталлаах норуотун сүрэҕэр өрүү хаалыаҕа», — диэн Айсен Николаев суруйар.