Хаартыска: Андрей Сорокин, ЯСИА
Айсен Николаев үөрэх уонна доруобуйа харыстабылын эбийиэктэрин тутууну сүрүннүүр суһал ыстаап мунньаҕын ыытта.
Саха сирин баһылыга быйыл Кэбээйи улууһун Сангаар бөһүөлэгэр саҥа поликлиниканы киллэрэр соругу туруорда. Бу эбийиэк дойду Бэрэсидьиэнэ Владимир Путин сорудаҕынан олоххо киирэр “Уһун уонна көхтөөх олох” национальанй бырайыагынан доруобуйа харыстабылын бастакы сүһүөҕүн саҥардыы бырагырааматынан ыытыллар.
“Сыл бүтүөр диэри эбийиэги үлэҕэ киллэриэххэ”, — диэтэ Айсен Николаев. Тутуу бэдэрээтчитин иһитиннэриитинэн, бүгүн дьиэ көҥдөйүн тутуута 70 быр. тэҥнэһэр. Монолитнай үлэлэрэ биир нэдиэлэнэн түмүктэниэхтэрэ.
Өрөспүүбүлүкэ баһылыгар симиэнэҕэ 550 миэстэлээх “Полярная звезда” оҕо сылы эргиччи сынньанар уонна чэбдигирэр киинин тутуу бэлэмин билиһиннэрдилэр. Эбийиэк – 66 быр. бэлэм, монолитнай конструкциялары оҥорууга үлэ барар, куорпус фасадыгар үлэлииллэр. Оттук сезона саҕаланыар диэри бары куорпустарга сылааһы биэрэн, кыһыннары ис үлэтин ыытарга сорудахтанна.
Мунньахха 315 миэстэлээх уһуйааны уонна “Звезднай” түөлбэҕэ 990 миэстэлээх оскуоланы тутуу хаамыытын туһунан кэпсээтилэр. Билигин дьыссаат атахтарын туруорбуттар, дьиэ каркааһа 75 быр. бэлэм буолбут. Оттон оскуола тутуутугар монолитнай үлэлэр түмүктэммиттэр. Ону тэҥэ Айсен Николаев Нерюнгри оройуонун Чульман бөһүөлэгэр 550 миэстэлээх оскуолаҕа сыһыаннаах сорудахтары биэрдэ. Быйыл бу дьиэ көҥдөйүн (хоруопка) бүтэриэхтээхтэр. Ити кытта Судаарыстыбаннай сакаасчыт сулууспатынан Дьокуускайга 253 үөрэнээччилээх 1 №-дээх оскуоланы тутууну ыытар. Эбийиэк аҥаарыттан ордуга бэлэм.
“Эбийиэктэргэ сыһыаннаан чопчу сорудахтар бэрилиннилэр. Болдьоҕун, хаачыстыбатын тутуһаргытыгар, уустуктар үөскээтэхтэринэ суһаллык дьаһанаргытыгар соруйабын”, — диэтэ Саха сирин Ил Дархана.
СӨ Ил Дарханын уонна бырабыыталыстыбатын пресс-сулууспата
Оҕо күүтэр дьахталларга уонна оҕоломмут ийэлэргэ босхо үүтү биэрии салҕанар. Үүтү ыларга быраас анааһына наада…
Бу сыл атырдьах ыйын 1 күнүттэн Арассыыйаҕа суол бырабыылаларыгар саҥа, өссө кытаанах уларыйыылар киллэриллэллэр. ГИБДД…
Атырдьах ыйын 1-2 күннэригэр мас-рестлиҥҥэ VII аан дойду чөмпүйэнээтэ ыытыллар АРА-Комплекс иннигэр чөмпүйэнээт сэргэтин туруоруу…
Атырдьах ыйа буолла. Дональд Трамп аан дойдуга барытыгар түһээн киллэрэр күнэ үүнэн, аатын билбэт буола…
«Якутскэнерго» ПАУо иһитиннэрэринэн, бүгүн, атырдьах ыйын 1 күнүгэр, Дьокуускай куоракка уонна хас да улууска уоту…
Сулустар тугу сипсийэллэр? Эйигин туох күүтэрий? ХОЙ Эниэргийэҥ муҥутуур чыпчаалга тиийэн сылдьар. Онон кэлэр нэдиэлэҕэ,…