Хаартыска: sakha.gov.ru
Саха сирин баһылыга Айсен Николаев Московскай уобаласка баар «Бэс Чагда» санаторийга эмтэнэ сытар байыаннай дьайыы кыттыылаахтарын кытта көрүстэ.
Реабилитация киинэ 2022 сылтан үлэлиир уонна арыллыаҕытан бааһырбыт, ыалдьыбыт байыаннайдарга көмөлөһөр. Саха сирин өйөбүлүнэн тэрилтэҕэ хапытаалынай өрөмүөн оҥоһуллубута, балааталар саҥардыллыбыттара, саҥа мэдиссиинискэй оборудуованиелары туруорбуттара.
«Санаторий биллэ уларыйбыт, эмтиир уонна сытар усулуобуйалар тупсубуттар. Үгүс нүөмэрдэри өрөмүөннэбиттэр, сорохтор оҥоһуллан бүтэн эрэллэр. Байыастар уонна сынньанааччылар быраастарга, персоналга махтаналлар. Манна дьиҥнээх профессионаллар үлэлииллэр, дьону көннөрү эмтээһин эрэ буолбакка, олоххо эрэллэрин төннөрөллөр», — диэн Айсен Николаев этэр.
Өрөспүүбүлүкэ баһылыга байыаннайдары кытта кэпсэттэ, эмтээһин хаамыытын кытта билистэ. Кини «Медведь» диэн позывнойдаах байыаска ураты болҕомтотун уурда. Байыас атаҕын ыараханнык бааһырдыбытын, быраастар көмөлөрүнэн хаалларбыттар.
Итиэннэ Айсен Николаев Горнайтан сылдьар Мичили кытта кэпсэттэ. Кини реабилитацияланан баран, сылгы баазатын тэринэр санаалаах. «Горнайтан сылдьар үчүгэйдик билэр киһим Мичил сыыйа үтүөрэн иһэр, сылгы баазатын тэрийэр былааннаах эбит. Хайаатар даҕаны көмөлөһүөхпүт», — диэн Айсен Николаев эттэ.
Айсен Сергеевич Захаровтар дьиэ кэргэни кытта көрүстэ. Ыал аҕа баһылыга Иван офицер, кини кэргэнэ Анна мэдиссиинискэй сиэстэрэ. СӨ Баһылыга кинилэри дьиҥнээх таптал, итэҕэл уонна эр санаа бэлиэтинэн ааттаата.
Бу туһунан СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.
Былырыын 2024 сыллаахха рекорду олохтообут 752 тыһ. кв.м. олорор дьиэ тутуллубута, онон Ил Дархан былырыын…
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…