Хаартыска://www.sakha.gov.ru
Ил Дархан Айсен Николаев бэҕэһээ, алтынньы 25 күнүгэр, Москва уобалаһыгар баар «Бэс Чагда» санаторийыгар доруобуйаларын чөлүгэр түһэрэр Саха сириттэн сылдьар байыаннай дьайыы кыттыылаахтарын кытары көрүстэ.
Билиҥҥи туругунан санаторийга Саха сириттэн сылдьар 10 киһи сытан эмтэнэр. Кинилэр ортолоругар «Барс-2» этэрээтин уонна«Ахмат» подразделение байыастара бааллар. Ил Дархан байыас Егор Гороховы төрөөбүт күнүнэн эҕэрдэлээтэ уонна өйдөбүнньүк бэлэх туттарда. Мичил Павловы кытта ураты 3Д протеһы олордорго ыытыллыахтаах эпэрээссийэ туһунан кэпсэттэ уонна эпэрээссийэ этэҥҥэ ааһарыгар баҕарда.
Айсен Николаев Афанасий Тихоновтыын уонна кини уолун кытта кэпсэттэ. Афанасий идэтинэн пилот, кини үгүс дьоҥҥо байыаннай дьайыы зонатыгар көтөн иһэр хааһы ытан түһэриини көрдөрөр ролиги айбыт ааптарынан биллэр-көстөр. Кини уолун Артур туһунан киэн тутта кэпсээтэ. Ол курдук ыал аҕа баһылыга суох кэмигэр кини дьиэ кэргэн биир сүрүн киһитинэн буолбут. Ил Дархан аҕаҕа уонна уолга үчүгэй сынньалаҥы баҕарда.
Байыаннайдар кэпсииллэринэн, «Бэс Чагда» киинин олус сөбүлээбиттэр, астыммыттар. «Манна сынньанарга аналлаах барыта баар. Тренажертан саҕалаан туустаах хос, теннис остуола, оонньуурга аналлаах көмпүүтэрдэр бааллар», — дииллэр байыастар.
Ил Дархан көрсүһүүнү түмүктүүрүгэр, Саха Өрөспүүбүлүкэтин салалтата байыаннай дьайыы кыттыылаахтарыгар уонна кинилэр дьиэ кэргэттэригэр көмөлөһүү сүрүн соругунан буоларын туһунан эттэ. Айсен Сергеевич киин үлэтин кытта билистэ, быраастары кытары кэпсэттэ.
Санатар буоллахха, санаторий баазатыгар тэриллибит доруобуйаны чөлүгэр түһэрэр кииҥҥэ байыаннай сулууспалаахтар былырыыҥҥыттан эмтэнэллэр. Саха сирин салалтата киини тэрийэр инниттэн элбэх өрөмүөнү ыытта уонна тустаах оборудованиенан толору хааччыйда. Кииҥҥэ байыастар тустаах бырагыраама көмөтүнэн бары көрдөрүүнү ааһаллар, сөптөөх эмтэниини ылаллар.
Санаторий кылаабынай бырааһа Елена Балюра иһитиннэрбитинэн, сотору Дьокуускайтан психологтар кэлиэхтээхтэр эбит. Ону тэҥэ, күнүскү стационар уонна ыараханнык бааһырбыттары эмтиир тустаах бырагыраама үлэлиэхтээх.
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…