Ил Дархан Айсен Николаев олохтоох тэлэбиидэнньэнэн быһа эпиирин иннинэ саайтка 600-тэн тахса ыйытыы киирбит. Быһа сибээһи байыаннай эпэрээссийэ боппуруоһуттан саҕалаата.
“Саамай сүрүн, байыаннай эпэрээссийэ хонуутугар буола турар. Манна биһиги биир дойдулаахтарбыт, Арассыыйа, Саха сирин олохтоохторо илиилэригэр сэби-сэбиргэли тутан дойдуларын көмүскүүллэр, кыайыыны уһансаллар. Хорсуннук суох буолбут байыастарга сүгүрүйэбин. Хантараагынан кыттааччы да, мобилизованнайдар да, баҕа өттүнэн кыттааччылар да, бары саа-саадах тутан, биһиги тутулуга суох буолуубут иһин киирсэллэр.
Саха сирин байыастара хорсун быһыылары, эр санааны көрдөрөллөр. Салгыы даҕаны итинник буолуо диэн эрэнэбин. Тоҕо диэтэххэ, биһиги — сахалар дойдубут ыарахан түгэнигэр көмүскүү барааччылар инники күөннэригэр тураллара”, — диэн эттэ. Итиэннэ Аҕа дойду Улуу сэриитин саҕана Саха сирэ туох кыалларынан көмөлөспүтүн аҕынна. Билигин өрөспүүбүлүкэ мантан туора турбатын санатта.
Москваҕа Саха сирин бэрэстэбиитэлистибэтин баазатыгар биир кэлим киин тэриллибитин эттэ. Байыаннай госпиталларынан сылдьан баааһырбыт байыастарга көмөлөһөрүн, манна кыттар волонтердарга махталын биллэрдэ. “Сотору дойду бэрэсидьиэнэ В.В.Путин быһаарыытынан байыаннай сулуспалаахтарга көмөлөһөр пуонда тэриллиэҕэ. Бэс ыйын 1 күнүттэн эрэгийиэннээҕи салаа үлэлиэҕэ. Бу байыаннай сулууспалаахтарга эбии көмө, өйөбүл буоларыгар эрэнэбин. Билигин баар миэрэлэри аҕыйатыахпыт суоҕа. Бу пуонда эбии көмөнөн буолуоҕа”, — диэн иһитиннэрдэ.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…