Айсен Николаев «Биир Ньыгыл Арассыыйа» баартыйа Президиумун мунньаҕын ыытта

«Биир Ньыгыл Арассыыйа» баартыйа Саха сиринээҕи салаатын сэкирэтээрэ, Ил Дархан Айсен Николаев «Биир Ньыгыл Арассыыйа» баартыйа Саха сиринээҕи салаатын бэлитиичэскэй Сэбиэтин Президиумун мунньаҕын ыытта.

Биир сүрүн тиэмэнэн Кыайыы 80 сылыгар аналлаах «Историческая память» бырайыагы олоххо киллэриини дьүүллэстилэр. «Биһиги пааматынньыктары, искибиэрдэри тупсарыынан эрэ буолбакка, араас куонкурустары, аахсыйалары ыытабыт. Биһиги көлүөнэлэр сибээстэрин харыстыыбыт, өбүгэлэрбит хорсун быһыыларын уонна ыччакка киэн туттуубутун тиэрдэбит», — диэн бэлиэтээтэ

Айсен Сергеевич. Быйыл Саха сирэ «Кыайыы дьыктааныгар» эмиэ кыттар. 900-тэн тахса былаһаакканы — Анаабыр оройуонугар табаһыттартан саҕалаан сөмөлүөт бордугар уонна Мииринэй оройуонугар сир аннынааҕы руднигы киллэрэн туран бэлэмнээтилэр.

Ону сэргэ уопсастыбаннай приемнай үлэтин көдьүүстээхтик оҥоруохтааҕын туһунан кэпсэттилэр. «Хас биирдии киһи дьиҥнээх көмөнү ылыахтаах. Хас биирдии киһи кыһалҕатын быһаарарга сорудахтаатым. «Биир Ньыгыл Арассыыйа» норуоту, пааматынньыгы, дьыаланы кытары бииргэ», — диэн баартыйа сэкирэтээрэ түмүктээтэ.