Айсен Николаев – Борокуруордары кытта

Саха сирин Ил Дархана Айсен Николаев Арассыыйа Федерациятын Борокуратууратын күнүнэн үөрүүлээх тэрээһиҥҥэ кыттыбыт. Ол туһунан кини MAX канаалыгар иһитиннэрбит.

— Борокуратуура судаарыстыбаннай салалта тиһигин тутаах звенотунан буолар, ол туһунан Арассыыйа Бэрэсидьиэнэ Владимир Путин үгүстүк этэр. Саха сиригэр борокуратуура үлэтэ сокуоннаһы тутуһууга төһүү буолар. Өрөспүүбүлүкэ Борокуратууратын кэлэктиибигэр ыкса үлэбит иһин махтанабын. Дьон туруорсуутугар болҕомтолоох сыһыанын уонна кинилэр бырааптарын көмүскүүрүн иһин, — диэбит Айсен Николаев.

Кинилэр дьоҥҥо наадалаах хайысхаларынан үлэлииллэрин ыйбыт. Бу байыананй дьайыы кыттыылаахтарын уонна дьиэ кэргэттэрин өйөөһүн, дьон уонна урбаанньыттар бырааптарын көмүскээһин, кэһиилэри уонна хоруупсуйаны сэрэтии, судаарыстыбаннай бырагыраамалары уонна национальнай бырайыактары олоххо киллэриигэ сокуону тутуһууну ирдээһин. Өрөспүүбүлүкэ борокуратууратын кытта бииргэ үлэлээһин быраабы-бэрээдэги бөҕөргөтүөҕэ, сокуону тутуһууну хааччыйыаҕа диэн эрэнэрин биллэрбит.

t.me/aisen_nikolaev канаалтан