Бүгүн, ахсынньы 25 күнүгэр, Ил Дархан Айсен Николаев Нам сэлиэнньэтигэр суруналыыстар ыйытыыларыгар хоруйдаата.
Айсен Николаев анал байыаннай эпэрээссийэ буола турарынан сибээстээн, хас биирдии киһи үлэтигэр эппиэтинэстээхтик сыһыаннаһыахтааҕын туһунан эттэ. Санатар буоллахха, ааспыт нэдиэлэҕэ Ил Дархан Ил Түмэҥҥэ уонна Саха сирин олохтоохторугар эппит Анал этиитигэр кэлэр 2023 сылы Үлэ сылынан биллэрбитэ.
«Кэлэр сылы Үлэ сылынан биллэрбиппит саамай сөптөөх. Бүгүҥҥү күҥҥэ, бүгүҥҥү баар балаһыанньаҕа үлэ боппуруостара инники күөҥҥэ сылдьыахтаахтар. Саха сирин хас биирдии олохтооҕо тустаах үлэтин эппиэтинэстээхтик, эҥкилэ суох үчүгэйдик толорорго дьулуһуохтаах. Үлэ хас биирдиибитигэр сыһыаннаах, оҕолорго, устудьуоннарга эмиэ. Үөрэнии ыарахан, уустук үлэ», – диэн Айсен Николаев эттэ.
Кэлэр сыл устата Социалистическай Үлэ дьоруойдарын, Арассыыйа Үлэҕэ дьоруойдарын, бастыҥ удаарынньыктар тустарынан араас хабааннаах тэрээһиннэр ыытыллыахтара. Ил Дархан Айсен Николаев быһаччы быһаарыытынан, Саха сирин үрдүнэн бастыҥ 50 үлэһиккэ 300-түү тыһ. солк бириэмэйэни кэлэр сылга туттарыахтара. Түмүгэ Пиэрибэй Маайга биллиэҕэ.
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…
Бүгүн, балаҕан ыйын 18 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…