СИА хаартыската.
Күндү Саха сирин олохтоохторо! Саха Өрөспүүбүлүкэтин салалтатын аатыттан уонна тус бэйэм Саха сиригэр Булчут күнүнэн эҕэрдэлиибин!
Саха сирин олохтоохторун баһыйар аҥаара – булчут дьон. Ити биһиги хааммытыгар баар. Түҥ былыргыттан олох тыйыс сокуона эр дьон бултуурун-алтыырын ирдиирэ. Уол оҕону бултуурга олох кыра эрдэҕиттэн уһуйаллара. Саха сирин норуоттара булду кытта ситимнээх үгүс үтүө үгэстээхтэр, олортон биирдэстэрэ – айылҕа иччитигэр, булчуттар айыыһыттарыгар Баай Байанайга сүгүрүйүү буолар. Аҕалар, эһээлэр билиилэрин-көрүүлэрин, олохторун уопутун ыччаттарыгар иҥэрэллэр, айылҕаҕа, тыынар-тыыннаахха харыстабыллаахтык сыһыаннаһарга үөрэтэллэр.
Өрөспүүбүлүкэ салалтата бу боппуруоска дьоһун болҕомтону уурар. “Булт туһунан уонна булт баайын чөл хаалларыы туһунан” Саха Өрөспүүбүлүкэтин сокуонугар уларытыылар киирдилэр. Ол курдук, муниципальнай оройуон эбэтэр куорат уокуругун бултанар сирин уопсай иэнигэр ким барыта кэлэн бултуура көҥүллэнэр сирин-уотун иэнэ 30 % итэҕэһэ суох буолуохтаах.
Булт баайын харыстааһын уонна чөлгө түһэрии дьаһалларын көмөтүнэн эрэгийиэҥҥэ булт-алт ахсаана элбиир. Ити булт лимиитин уонна кубуотатын улаатыннарарга төһүү буолар.
Холобур, 2016-2022 сылларга булт лимиитэ тайахха – 34%, табаҕа – 40%, туртаска – 43%, киискэ 16% үрдээтэ.
Ааспыт сылга өрөспүүбүлүкэҕэ булт сирин-уотун чопчулуур үлэ түмүктэммитэ.
Ытыктабыллаах булчуттар, кадровай сонордьуттар уонна бэтэрээннэр!
Быйыл биһиги Булчут күнүн чэрчитинэн үгэс буолбут “Булчут сэһэнэ” өрөспүүбүлүкэтээҕи куонкурус түмүгүн таһаарыахпыт, ону тэҥэ булчуттар өрөспүүбүлүкэтээҕи “Байанай” күрэхтэһиилэрин уонна бөрөһүттэргэ анаан сэминээр ыытыахпыт.
Бу үөрүүлээх күҥҥэ өрөспүүбүлүкэбит социальнай-экэнэмиичэскэй сайдыытыгар тус кылааккыт иһин махтанабын! Кытаанах доруобуйаны уонна дьолу-соргуну баҕарабын! Байанай үтүө хараҕынан көрдүн, эгэлгэ баайыттан күндүлээтин!
Айсен НИКОЛАЕВ,
Саха Өрөспүүбүлүкэтин Ил Дархана.
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…
Эргэ малы-салы мунньар, кэллиэксийэлиир дьон баар буолар. Сорохтор эргэ миэбэли саҥардаллар, тупсараллар. Ретро-мусуойдары батыһа сылдьан…