Хаартыскаҕа Андрей Сорокин түһэриитэ. СИА
«Биир ньыгыл Арассыыйа» баартыйа Саха сиринээҕи салаатын эрэгийиэннээҕи Сэбиэтин Президиумун мунньаҕа ыытылынна. Манна өрөспүүбүлүкэҕэ барыллаан куоластааһыны ыытыы туһунан быһаарыыны ылыннылар.
Баартыйаттан Ил Түмэҥҥэ, Дьокуускай куорат Дууматыгар дьокутаакка, олохтоох салайыныы уорганнарыгар баһылыкка уонна дьокутаакка хандьыдааттары быһаарыыга барыллаан куоластааһын ыытыллыаҕа. Быйыл барыллаан куоластааһын “Госуслуги» порталыгар электроннай киэбинэн ыытыллыаҕа.
«Бэлиэтээн эттэххэ, баартыйаттан хандьыдаатынан барыллаан куоластааһыҥҥа кыайбыт эрэ дьон буолуохтара. Ол иһин элбэх куолаһы ылан хандьыдаатынан буолуон баҕалаахтар бэлиэр бу муус устарга уонна ыам ыйыгар күүскэ үлэлииллэрэ эрэйиллэр. Ханнык да урукку үтүөлэр аахсыллыахтара суоҕа. Ким чиэһинэй киирсиигэ кыайбыт, ол хандьыдаатынан талыллыаҕа», — диэтэ Ил Дархан, «Биир ньыгыл Арассыыйа» баартыйа Саха сиринээҕи салаатын сэкирэтээрэ Айсен Николаев.
Маны сэргэ кини баартыйата суохтар итиэннэ «Биир ньыгыл Арассыыйа» баартыйаны кириитикэлээбит политиктар кыттыыларын баартыйа биһириирин туһунан иһитиннэрдэ. «Ити барыбытыгар туһалаах буолуо. Биһиги кинилэри кыттарга ыҥыран тураммыт, барыллаан куоластааһыҥҥа бу дьон баартыйаттан кыттыыларын биһириибит. Баартыйа соруга – саҥардыныы, саҥа күүстэр уонна саҥа идиэйэлэр», — диэн Айсен Николаев эбэн эттэ.
Мунньахха барыллаан куоластааһыны тэрийэр кэмитиэт састааба бигэргэтилиннэ. Кини састаабыгар баартыйа бэрэстэбиитэллэриттэн уонна паартыйаны өйөөччүлэртэн, уопсастыбанньыктартан уонна сонуннары киэҥник тарҕатар сириэстибэлэртэн 12 киһи киирдэ.
«Барыллаан куоластааһын – уопсастыба бэлитиичэскэй олоҕор кыттыыга көдьүүстээх ньыма. «Биир ньыгыл Арассыыйа» – бу Бэрэсидьиэн баартыйата. Бүгүн биһиги иннибитигэр турар соруктары толорууга аһаҕас уонна саҥа ирдэбиллэргэ бэлэм буолуохтаахпыт», — диэтэ «Биир ньыгыл Арассыыйа» баартыйа Саха сиринээҕи салаатын сэкирэтээрин солбуйааччыта, баартыйа эрэгийиэннээҕи ситэриилээх кэмитиэтин салайааччыта Руслан Платонов.
Хандьыдааттары туруоруу кулун тутар 8 күнүттэн саҕалаан муус устар 27 күнүгэр диэри буолуоҕа. Хандьыдаат 21-тэн үөһэ саастаах, суукка тардыллыбатах, кыраныысса таһыгар баайа, бас билиитэ суох Российскай Федерация гражданина буолуохтаах.
Оттон хандьыдааттарга куоластааһын ыам ыйын 22-28 күннэригэр ыытыллыаҕа. Хандьыдаат иһин куоластыыр туһугар PG.ER.RU саайты аһан личнай кабинекка киириллэр («Госуслуги» порталыгар ЕСИА нөҥүө авторизацияланаҕыт) уонна «Бүлэтиэн» диэн сигэҕэ хас биирдиитигэр галочка бэлиэтин туруоруллар. «Куоластыахха» уонна «Сөп» диэн кнопкалары баттаан баран, бүлэтиэҥҥэ «электроннай күлүүһүнэн» илии баттаныллар, ол кэнниттэн ити толоруллубут даннайдар сервергэ ыытыллаллар.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…