Айсен Николаев Бурденко аатынан госпитальга саха буойуннарын кытта көрүстэ

Ил Дархан Айсен Николаев бэҕэһээ, тохсунньу 22 күнүгэр, Н.Н.Бурденко аатын сүгэр Москватааҕы сүрүн байыаннай госпитальга сылдьан, саха буойуннарын кытта көрүстэ.

Ол курдук, Айсен Николаев саха буойуттарын  кытта кэпсэттэн, доруобуйаларын, уопсай туруктарын, инники былааннарын  ыйыталаста. Ону сэргэ өрөспүүбүлүкэ кинилэри өйүүрүн туһунан иһитиннэрдэ. «Саха сирэ эһиги хорсун быһыыгытынан киэн туттар», — диэтэ.

Оттон байыастар Ил Дарханы төрөөбүт күнүнэн эҕэрдэлээтилэр, үлэтигэр ситиһиини баҕардылар. Кинилэр эмтэнии этэҥҥэтин, кыһамньы баарын эттилэр. Ону сэргэ быраастар уонна саха волонтердара наһаа болҕомтолоохторун бэлиэтээбиттэр.
Ил Дархан бүтүн өрөспүүбүлүкэ аатыттан Саха сирин байыастарыгар чэгиэн доруобуйаны баҕаран туран, төрөөбүт дойдударыттан аҕалбыт кэһиитин туттарда.