Айсен Николаев бүддьүөт секторыгар салайааччылары сарбыйар туһунан эттэ

Бүддьүөт секторыгар салайааччылары (управленецтары) салгыы сарбыйыы туһунан Айсен Николаев Ил Түмэҥҥэ туһаайан этиитин кэмигэр иһитиннэрдэ.

Саха сирин баһылыга маннык дьаһал кыра сэлиэнньэттэн ураты барыларын таарыйарын бэлиэтээтэ. Кини этэринэн, кэнники биэс сылга былаас уорганнарыгар сулууспалаахтар ахсаана 20% кэриҥэ кыччаабыт. Ол эрээри, бүддьүөт  тэрилтэлэригэр кинилэр ахсаана салгыы үрдээн иһэр.

«Биллэн турар, саҥа социальнай эбийиэктэри үлэҕэ киллэриини кытта, эмиэ ити саҥа ойууру баһаартан сэрэтэр тэрилтэлэр тэрийии кэннэ ахсааннара элбээн иһэр. Ол эрээри, үлэ хаачыстыбатыгар сыһыана суох административнай- салайар персонал элбиирэ бэлиэтэнэр. Ол туһунан социологическай ыйытыыларга сөп түбэһиннэрэн, сорох ардыгар көмөнөн хааччыллыы намыһах хаачыстыбатын ыйар», — диир Ил Дархан.

Айсен Николаев Саха сирин бырабыыталыстыбатыгар кэлэр сыл устата бүддьүөт секторын ситимигэр уларытыыны ыытарга уонна тиһигин оҥорумтуотун үрдэтэргэ 10%-тан итэҕэһэ суох улаатыннарарга сорудахтаата.

«Онуоха ханнык да сарбыйыы кыра дэриэбинэлэри таарыйыа суохтаах. Улахан резервэлэр улахан нэһилиэнньэлээх пууннарынан сытар», — диэн бэлиэтээтэ. Реформа сүрүн түмүгүн кини тэрилтэлэр өҥөлөрүнэн нэһилиэнньэ астыныытын улаатыытын ааттаата. Хас биирдии бүддьүөт солкуобайа хаачыстыба көрдөрүүлэрин кытта ситимнээх буолуохтаах, сөпкө ороскуоттаныахтаах уонна дьэҥкэ буолуохтаах диэн эттэ.

«Бу барыларыгар сыһыаннаах. Быһаарыылаах уларыйыы кэмэ кэллэ — биһиги сөбө суох судаарыстыбаннай  управление национальнай тиһигин ылынар кыахпыт суох. Биһиги салайар ыҥырыытын олоххо киллэриэхпитин наада — хааччахтаммыт ресурсаларынан судаарыстыба өҥөтүн уонна сиэрбис хаачыстыбатын эрэ буолбакка, уопсайынан судаарыстыбаннай секторы оҥорумтуотун үрдэтиэххэ наада», — диэн  үлэһиттэригэр көрдөстө. Кини санаатынан үлэ оҥорумтуота цифровизацияны уонна инники былааннары олоххо киллэрии, чуолаан оҥоһуу өй уратыларыгар киэҥник тэнийиэхтээх.

Санатан эттэххэ, Айсен Николаев  атырдьах ыйын 29 күнүгэр госсулууспаны салайыы туһунан ыйааҕы илии баттаабыта. Онно судаарыстыбаннай сектор үлэтин тупсарыыга туһуламмыт соруктары туруорбута.