Өрөспүүбүлүкэбит кэлэр үс сыллааҕы бүддьүөтүн сокуона бастакы ааҕыыга ылыллыытыгар Ил Дархан Айсен Николаев федеральнай бүддьүөттэн кэлиэхтээх дотация кээмэйэ сарбыллыбатын бэлиэтээтэ.
Сокуоҥҥа национальнай бырайыактары таһынан 27 судаарыстыбаннай тосхоллорунан көрүллүөхтээх үбүнэн эргэ хаарбах дьиэлэртэн дьону саҥа дьиэҕэ көһөрүү, бүддьүөт тэрилтэлэрин уонна үлэһиттэрин хамнастарын үбүлээһин, онтон да атын араас өрүттээх үлэлэр толору кээмэйинэн салгыы ыытыллаллара барылланна.
Ил Дархан Айсен Николаев Ил Түмэҥҥэ бүддьүөтү дьүүллэһиигэ тыл этэригэр байыаннай сулууспалаахтары уонна кинилэр дьиэ кэргэттэрин өйүүр дьаһаллары ылыныы биир сүрүн сорук буоларыгар тохтоото. Бүддьүөккэ манна наадалаах үбүлээһиҥҥэ улахан болҕомто уурулунна. Өрөспүүбүлүкэ Аҕа баһылыга пленарнай мунньахха киирбит этиилэр уонна көннөрүүлэр иккис ааҕыыга бэлэмнэнии кэмигэр учуоттаныахтарын бэлиэтээтэ: « Бүддьүөт социальнай хайысхатын салгыы тутуһар. Манна, бастатан туран, ити тыа хаһаайыстыбатын сайыннарыы тосхолун итиэннэ социальнай өйөбүл дьаһалларын үбүлээһин киирэр. Сэтинньигэ өрөспүүбүлүкэҕэ федеральнай бүддьүөттэн үбүлээһин суумата чуолкайданан кэлиэҕэ, дотациялар сарбыллыбаттар. Итини уонна бэйэбит саппаастарбытын учуоттанан туран, инники сайдыыга хардыылыырбытыгар көмөлөһүөхтээх бүддьүөппүтүн бигэргэтиэхпит”.
Оттон парламент спикерэ Алексей Еремеев бигэргэтэринэн, төһө да уустук кэмнэр ыкталлар, сайдыыга туһуламмыт барыбыт эрэл санаата олоххо киирэр кыахтаах. Спикер сокуону көҕүлээн, бэлэмнээн киллэрбит Ил Дархан уонна бырабыыталыстыба сыралаах үлэлэрин түмүгэр федеральнай бырабыыталыстыба дотация кээмэйин сарбыйбакка, төттөрүтүн, эбии үбүлээһини көрүүтэ билиҥҥи судургута суох кэмҥэ киини кытта көдьүүстээх кэпсэтии уонна олохтоох, ыллыктаах дакаастааһын түмүгэ буоларын, итиэннэ Саха сирэ боппуруостары бэйэтэ быһаарар кыахтааҕын туоһулуурун ыйда.
Елена Иванова, «Саха сирэ» хаһыат.
Хаартыска: ЯСИА
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…
Эргэ малы-салы мунньар, кэллиэксийэлиир дьон баар буолар. Сорохтор эргэ миэбэли саҥардаллар, тупсараллар. Ретро-мусуойдары батыһа сылдьан…
Балаҕан ыйын 16 күнүгэр Дьокуускайга «Мозг. Традиция. Мечта» документальнай киинэни көрдөрдүлэр. Бу ураты креативнай бырайыагы…
Былыр сахалар бэс сутукатын хатаран, мэлийэн, үөрэҕэ, хааһыга булкуйан сииллэрэ. Бу өбүгэлэрбит үрүҥ тыыннарын өллөйдөөбүт…