Айсен Николаев бүддьүөт үлэһиттэрин хамнастарын үрдэтии туһунан туох диэтэ?

Бу киэһэ биир сэргэх иһитиннэриинэн быһа лииньийэ кэмигэр хамнас төлөбүрүн алын кээмэйин 56 тыһ. солкуобайга диэри үрдэтии туһунан буолла. Бу үрдээһин 2025 сылга күүтүллэр.

Ил Дархан А.С.Николаев бүгүн маннык диэтэ:

— Xамнас төлөбүрүн алын кээмэйэ (МРОТ) тохсунньу 1 күнүттэн 56 тыһыынча солк. буолуоҕа. Арктика оройуоннарыгар 60 тыһыынчаҕа диэри үрдүөҕэ. Онон үгүс категорияларга хамнас улаатыытыгар тиэрдиэҕэ. Учууталларга, медиктэргэ, учуонайдарга хамнас эрэгийиэн көрдөрүүлэригэр сыста сылдьар. Онон бу категорияларга улаатарын күүтэбит.
Ил Дархан ойуур хаһаайыстыбатын, судаарыстыбаннай уонна муниципальнай сулууспалаахтар, быыһааччылар курдук категориялар баалларын эттэ. Дойду Бэрэсидьиэнин ыам ыйдааҕы ыйааҕар киирсибэт 30 тыһ.тахса үлэһитэ баар эбит. Кинилэргэ эрэгийиэммит бырабыыталыстыбата кэлэр 2025 сыл тохсунньу 1 күнүттэн 6 % хамнаһы үрдэтэргэ быһаарыы ылыммыт.